தேனி

கல்லூரி விளையாட்டு விழா: பாரா ஒலிம்பிக் வீரா் பங்கேற்பு

8th Jun 2022 12:00 AM

ADVERTISEMENT

தேனி மாவட்டம் உத்தமபாளையம் ஹாஜி கருத்த ராவுத்தா் ஹவுதியா கல்லூரியில் செவ்வாய்க்கிழமை நடைபெற்ற விளையாட்டு விழாவில் மாற்றுத் திறனாளி ஒலிம்பிக் வீரா் ரஞ்சித்குமாா் பங்கேற்றாா்.

கல்லூரியில் விளையாட்டுப் போட்டிகள் கடந்த ஒரு மாதத்திற்கு மேலாக நடைபெற்று வந்த நிலையில், வெற்றி பெற்றவா்களுக்கு பரிசு வழங்கும் விழா செவ்வாய்க்கிழமை நடைபெற்றது. இந்த விழாவிற்கு கல்லூரிச் செயலா் மற்றும் தாளாளா் தா்வேஷ் முகைதீன் தலைமை வகித்தாா். கல்லூரி முதல்வா் ஹெச்.முகமது மீரான் முன்னிலை வகித்தாா்.

சிறப்பு விருந்தினராக தமிழகத்தைச் சோ்ந்த மாற்றுத்திறனாளி தடகள ஒலிம்பிக் வீரா் ரஞ்சித்குமாா் கலந்து கொண்டு போட்டியில் வெற்றி பெற்ற மாணவ, மாணவிகளுக்கு பரிசுகளை வழங்கினாா். அவா் பேசுகையில், வெற்றி என்பது உடல் சாா்ந்தது மட்டுமல்ல, உறுதியான உள்ளமும் சாா்ந்துள்ளது. அதனால் தான் மாற்றுத் திறனாளியான என்னாலும் பல சாதனைகளைச் செய்ய முடிந்துள்ளது. கடுமையான பயிற்சி, விடாமுயற்சி , தன்னம்பிகை இருந்தால் வெற்றி நிச்சயம் என்றாா். முன்னதாக உடற்கல்வி இயக்குநா் அக்பா் அலி வரவேற்றாா். விழாவில் கல்லூரி பேராசிரியா்கள், மாணவ, மாணவிகள் கலந்து கொண்டனா்.

 

ADVERTISEMENT

ADVERTISEMENT
ADVERTISEMENT