போடி பகுதியில் 8 பேருக்கு வெளிநாடுகளில் வேலை வாங்கித் தருவதாகக் கூறி, ரூ.30.50 லட்சம் மோசடி செய்ததாக கேரளத்தைச் சோ்ந்தவா் மீது மாவட்ட குற்றத் தடுப்புப் பிரிவு போலீஸாா் வழக்குப் பதிவு செய்தனா்.

தேனி மாவட்டம், போடி அருகே போ.நாகலாபுரத்தைச் சோ்ந்தவா் ஜெயகிருஷ்ணன் மகன் மலா்வண்ணன். இவருக்கு, இதே ஊரைச் சோ்ந்த தனது நண்பா் ராஜா மூலம் கேரள மாநிலம், எா்ணாகுளம் அருகே தாய்பரம்பு பகுதியைச் சோ்ந்த பாபு மகன் விபின்பாபு அறிமுகமானாா். விபின்பாபு, தான் பலருக்கு வெளிநாடுகளில் வேலை வாங்கிக் கொடுத்துள்ளதாகக் தெரிவித்தாா்.

இதை நம்பிய மலா்வண்ணன், கடந்த 2019-ஆம் ஆண்டு தனது மைத்துனா் ராஜேஷ்கண்ணன் உள்பட உறவினா்கள் 8 பேருக்கு வெளிநாட்டில் வேலை வாங்கித் தருவதற்காக பல்வேறு தவணைகளில் ரொக்கமாகவும், வங்கிக் கணக்கு மூலமும் விபின்பாபுவிடம் ரூ.30.50 லட்சம் கொடுத்தாா்.

ஆனால், விபின்பாபு வெளிநாட்டில் வேலை வாங்கித் தராமல் காலதாமதம் செய்ததால், அவரை மலா்வண்ணன் கைப்பேசி மூலம் தொடா்பு கொள்ள முயன்ற போது அவா் பதிலளிக்கவில்லை. நேரில் சென்றும் அவரைப் பாா்க்க முடியவில்லை.

இதுகுறித்து, மாவட்டக் காவல் கண்காணிப்பாளா் பிரவீன் உமேஷ் டோங்கரேவிடம், மலா்வண்ணன் புகாா் அளித்தாா். அதனடிப்படையில், விபின்பாபு மீது மாவட்ட குற்றத் தடுப்புப் பிரிவு போலீஸாா் வழக்குப் பதிந்து, அவரைத் தேடி வருகின்றனா்.