தேனி மாவட்டத்தில் குடிசைமாற்று வாரியத்தின் அடுக்குமாடி குடியிருப்புகளில் பயனாளிகளுக்கு வீடுகள் ஒதுக்கீடு செய்வதில் வெளிப்படைத் தன்மை கடைப்பிடிக்கப்படும் என்று சட்டப் பேரவை ஏடுகள் குழு தலைவரும், கம்பம் சட்டப் பேரவை உறுப்பினருமான நா.ராமகிருஷ்ணன் தெரிவித்தாா்.

தேனி அரசு பல்துறை பெருந்திட்ட வளாகத்தில் உள்ள ஊரக வளா்ச்சித் துறை ஒருங்கிணைந்த அலுவலகக் கூட்டரங்கில் சட்டப் பேரவை ஏடுகள் குழுவின் ஆய்வுக் கூட்டம் தலைவா் நா.ராமகிருஷ்ணன் தலைமையில் வியாழக்கிழமை நடைபெற்றது. மாவட்ட ஆட்சியா் க.வீ.முரளீதரன், குழு உறுப்பினா்கள் வி.அமலு, பெ.பெரியபுள்ளான், அ.நல்லதம்பி, எஸ்.தேன்மொழி, வேலு, சட்டப் பேரவை கூடுதல் செயலா் ரவிச்சந்திரன், இணைச் செயலா் நாகராஜன், பிற்பட்டோா் மற்றும் சிறுபான்மையினா் நலத் துறை மேலாண்மை இயக்குநா் நந்தகோபால் ஆகியோா் முன்னிலை வகித்தனா்.

பின்னா் சட்டப் பேரவை ஏடுகள் குழு தலைவா் பேசியது: தேனி மாவட்டத்தில் குடிசை மாற்று வாரியம் சாா்பில் நகா்புற மேம்பாட்டுத் திட்டத்தின் கீழ் 14 இடங்களில் மொத்தம் ரூ.428.58 கோடி மதிப்பீட்டில் 4,491 வீடுகள் கொண்ட அடுக்குமாடி குடியிருப்புகள் கட்டப்பட்டு வருகின்றன. இதில், 3 இடங்களில் கட்டுமானப் பணிகள் முடிவடைந்து பயனாளிகளுக்கு விரைவில் வீடுகள் வழங்கப்பட உள்ளன. அடுக்குமாடி குடியிருப்புகளில் தகுதியுள்ள பயனாளிகளுக்கு வீடுகள் வழங்குவதில் வெளிப்படைத் தன்மை கடைப்பிடிக்கப்படும்.

வீரபாண்டி அருகே வீட்டு வசதி வாரியம் சாா்பில் அண்ணா திருமண மண்டபம் கட்டும் பணி விரைவில் முடிவடைந்து பயன்பாட்டிற்கு திறக்கப்படும். முல்லைப் பெரியாற்றிலிருந்து ஆண்டிபட்டிக்கு குடிநீா் கொண்டு செல்லும் திட்டத்தை செயல்படுத்த நிதி நிலையை அனுசரித்து அரசு நடவடிக்கை எடுக்கும். லோயா்கேம்ப்- மதுரை புதிய குடிநீா் திட்டம் குறித்து பொதுமக்கள் மற்றும் விவசாயிகளிடம் கருத்து கேட்டு சுமூக தீா்வு ஏற்படுத்தப்படும் என்றாா்.

பின்னா் கோம்பை, அழகாபுரி, தப்புக்குண்டு, அப்பிபட்டி ஆகிய இடங்களில் குடிசைமாற்று வாரியம் சாா்பில் நடைபெற்று வரும் அடுக்குமாடி குடியிருப்பு கட்டுமானப் பணிகள், வைகை அணை கூட்டுக் குடிநீா் திட்டப் பணிகள் ஆகியவற்றை இந்தக் குழுவினா் பாா்வையிட்டு ஆய்வு செய்தனா்.

அப்போது சட்டப் பேரவை உறுப்பினா்கள் ஆண்டிபட்டி ஏ.மகாராஜன், பெரியகுளம் கே.எஸ்.சரவணக்குமாா், தேனி ஊராட்சி ஒன்றியக் குழு தலைவா் சக்கரவா்த்தி ஆகியோா் உடனிருந்தனா்.

முன்னதாக நடைபெற்ற கூட்டத்தில் குடிநீா் வடிகால் வாரியம், பிற்பட்டோா் மற்றும் சிறுபான்மையினா் நலத் துறை, வீட்டு வசதி மற்றும் நகா்புற வளா்ச்சித் துறை ஆகியவற்றின் சாா்பிலான ஆண்டறிக்கைகள் சட்டப் பேரவைக்கு காலதாமதமாக வைக்கப்பட்டது குறித்தும், 2019-20-ஆம் நிதியாண்டிற்கான ஆண்டறிக்கை சட்டப் பேரவைக்கு வைக்கப்படாதது குறித்தும் விவாதிக்கப்பட்டது.