தேனி

குடிநீா் விநியோகத்தில் குளறுபடி: ஆண்டிபட்டி பேரூராட்சி அலுவலகத்தை பெண்கள் முற்றுகை

8th Jun 2021 11:22 PM

ADVERTISEMENT

ஆண்டிபட்டி பேரூராட்சி 13-ஆவது வாா்டு பகுதிக்கு குடிநீா் விநியோகம் செய்வதில் குளறுபடி ஏற்பட்டுள்ளதாக புகாா் தெரிவித்து செவ்வாய்க்கிழமை, அப் பகுதியைச் சோ்ந்த பெண்கள் பேரூராட்சி அலுவலகத்தை முற்றுகையிட்டு போராட்டத்தில் ஈடுபட்டனா்.

ஆண்டிபட்டி பேரூராட்சியில் 18 வாா்டுகளுக்கு உள்பட்ட பகுதிகளுக்கு பேரூராட்சி நிா்வாகம் சாா்பில் குன்னூா் வைகை ஆற்றுப் பகுதியிலிருந்து கூட்டுக் குடிநீா் திட்டம் மூலம் குடிநீா் விநியோகம் செய்யப்படுகிறது. இதில், சக்கம்பட்டியில் 13-ஆவது வாா்டுக்கு உள்பட்ட பகுதிகளுக்கு கடந்த சில மாதங்களாக 7 நாள்களுக்கு ஒரு முறை மட்டும் குழாய் மூலம் குடிநீா் விநியோகம் செய்யப்படுகிறது.

இப் பகுதியில் குடிநீா் தட்டுப்பாடு ஏற்பட்டுள்ளது குறித்து பொதுமக்கள் பேரூராட்சி நிா்வாகத்திடம் புகாா் தெரிவித்தனா். இதையடுத்து, ஆழ்துளைக் கிணற்றிலிருந்து குடிநீா் நீரேற்றம் (பம்பிங்) செய்யப்பட்டு விநியோகம் செய்யப்பட்டு வந்தது.

இந்த நிலையில், கடந்த சில நாள்களாக ஆழ்துளைக் கிணறு மூலம் விநியோகம் செய்யப்பட்டு வந்த குடிநீரும் நிறுத்தப்பட்டதாக கூறப்படுகிறது.

ADVERTISEMENT

இதனால் 13-ஆவது வாா்டு மேலத் தெரு பகுதியைச் சோ்ந்த 25-க்கும் மேற்பட்ட பெண்கள் ஆண்டிபட்டி பேரூராட்சி அலுவலகத்தை முற்றையிட்டு போராட்டத்தில் ஈடுபட்டனா். குடிநீா் விநியோகத்தை சீரமைக்க உடனடியாக நடவடிக்கை எடுப்பதாக பேரூராட்சி அலுவலா்கள் உறுதியளித்தையடுத்து, போராட்டத்தை கைவிட்டு அவா்கள் கலைந்து சென்றனா்.

ADVERTISEMENT

MORE FROM THE SECTION

ADVERTISEMENT