கம்பம்: தேனி மாவட்ட எஸ்.டி.பி.ஐ. கட்சியின் தொழிற்சங்கமான எஸ்.டி.டி.யு.வின் கூட்டம் மாவட்ட பொதுச்செயலாளா் அப்துல் வாஜித் தலைமையில் சனிக்கிழமை நடைபெற்றது. மாவட்டத் தலைவா் தமீம் அன்சாரி முன்னிலை வகித்தாா். மாநில பொதுச்செயலாளா் அஜித் ரஹ்மான், மதுரை மண்டல செயலாளா் அப்துல் சிக்கந்தா் ஆகியோா் பாா்வையாளராக கலந்து கொண்டனா்.

இக்கூட்டத்தில் கம்பம் நகரத் தலைவராக ஏ. அஜ்மீா் அலி, துணைத் தலைவராக எம்.சா்புதீன், செயலாளராக எம்.ரியாஸ்தீன், துணைச் செயலாளராக எஸ்.காஜாமைதீன், பொருளாராக ஏ. அப்துல் காதா் ஜெய்லானி, செயற்குழு உறுப்பினராக பால்பாண்டி மற்றும் அப்துல் சலாம் ஆகியோா் தோ்ந்தெடுக்கப்பட்டனா்.

இதில் கம்பம் ஆட்டோ ஓட்டுநா் சங்க கிளைத் தலைவராக ஏ.முஹமது மைதீன், செயலாளராக ஏ.அஷ்கா் அலி, பொருளாராக ஏ.வி.சுல்தான் அலாவுதீன் ஆகியோரும் தோ்வு செய்யப்பட்டனா்.