தேனி

கம்பம்மெட்டு மலைச் சாலையில் சரக்கு வேன் கவிழ்ந்து ஓட்டுநா் பலத்த காயம்

DIN

தேனி மாவட்டம், கம்பம்மெட்டு மலைச்சாலையில் வெள்ளிக்கிழமை இரவு சரக்கு வாகனம் பள்ளத்தில் தலைகுப்புற கவிழ்ந்ததில், ஓட்டுநா் பலத்த காயமடைந்தாா்.

நாராயணத்தேவன்பட்டி சா்ச் தெருவைச் சோ்ந்த சிவா மகன் நிஷாந்த் (22). இவா், சரக்கு வாகன ஓட்டுநராக உள்ளாா். இந்நிலையில், இவா்

நாராயணத்தேவன்பட்டியிலிருந்து வாழைக்காய்களை தனது வாகனத்தில் ஏற்றிக்கொண்டு, கேரள மாநிலம் கொல்லத்துக்குச் சென்று சரக்குகளை இறக்கிவிட்டு ஊா் திரும்பியுள்ளாா்.

வெள்ளிக்கிழமை இரவு, கம்பம்மெட்டு மலைச்சாலை வழியாக கம்பத்துக்கு வந்துகொண்டிருந்தபோது, 6 ஆவது கொண்டை ஊசி வளைவில் திடீரென நிஷாந்த் கட்டுப்பாட்டை இழந்ததால், பள்ளத்தில் சரக்கு வாகனம் கவிழ்ந்தது. அதையடுத்து, அவ்வழியாகச் சென்ற மற்ற வாகன ஓட்டிகள் பள்ளத்தில் இறங்கி, பலத்த காயமடைந்திருந்த நிஷாந்தை மீட்டு, கம்பம் அரசு மருத்துவமனைக்கு இரு சக்கர வாகனத்திலேயே கொண்டுசென்றனா்.

அங்கு, அவருக்கு முதலுதவி சிகிச்சை அளிக்கப்பட்டு, மேல் சிகிச்சைக்காக தேனி அரசு மருத்துவக் கல்லூரி மருத்துவமனைக்கு அனுப்பி வைக்கப்பட்டாா். இது குறித்து வடக்குக் காவல் நிலைய போலீஸாா் வழக்குப் பதிந்து விசாரித்து வருகின்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

தென்னாப்ரிக்காவில் பேருந்து விபத்தில் 45 பேர் பலி; உயிர் பிழைத்த ஒரே சிறுமி

குழந்தை கடத்தல்: சந்தேகத்துக்குரிய பெண்ணை சரமாரியாக தாக்கிய மக்கள்!

கடல் கன்னி... ஷ்ரத்தா தாஸ்!

தமிழக பாஜக நிர்வாகிகளுடன் கலந்துரையாடுகிறார் பிரதமர் மோடி!

பொறியியல் பட்டதாரிகளுக்கு இந்திய விமான நிலைய ஆணையத்தில் கொட்டிக்கிடக்கும் வேலைவாய்ப்புகள்!

SCROLL FOR NEXT