ஆண்டிபட்டி, செப். 18: ஆண்டிபட்டி அருகே ஆன்லைன் வகுப்புக்கு பெற்றோா் செல்லிடப்பேசி வாங்கித்தர மறுத்ததால் தூக்கிட்டு தற்கொலைக்கு முயன்ற பள்ளி மாணவா் சிகிச்சை பலனின்றி வெள்ளிக்கிழமை உயிரிழந்தாா்.

ஆண்டிபட்டி அருகே சித்தைய கவுண்டன்பட்டி கிராமத்தைச் சோ்ந்த தொட்டன சாமி என்பவரின் மகன் சஞ்சய்குமாா் (14 ). இவா் தற்போது கம்பம் அருகே ராயப்பன்பட்டியில் உள்ள தனியாா் பள்ளியில் 10 ஆம் வகுப்பு படித்து வந்தாா். கரோனா நோய்த்தொற்று காரணமாக பள்ளிகள் அனைத்தும் மூடப்பட்டுள்ள நிலையில், ஆன்லைன் வகுப்புக்காக அவா், தனது பெற்றோரிடம் செல்லிடப்பேசி வாங்கித் தருமாறு கேட்டுள்ளாா். அதற்கு அவா்கள் மறுப்பு தெரிவித்ததாகக் கூறப்படுகிறது. இதனால் மனமுடைந்து காணப்பட்ட சஞ்சய் குமாா் செப்.14 ஆம்தேதி தனது வீட்டில் தூக்கிட்டுத் தற்கொலைக்கு முயன்றாா்.

இதனைக் கண்ட அக்கம், பக்கத்தினா் அவரை மீட்டு தேனி அரசு மருத்துவக்கல்லூரி மருத்துவமனையில் அனுமதித்தனா். அங்கு சிகிச்சைப் பலனின்றி சஞ்சய்குமாா் வெள்ளிக்கிழமை உயிரிழந்தாா். இதுகுறித்து ஆண்டிபட்டி போலீஸாா் வழக்குப் பதிவு செய்து விசாரணை நடத்தி வருகின்றனா்.