தேனி மாவட்டம் கம்பத்தில் 4 மோட்டாா் சைக்கிள்களைத் திருடிய இளைஞரை போலீஸாா் கைது செய்தனா்.

மாவட்டத்தில் வீடு மற்றும் கடைகள் முன்பாக நிறுத்தி இருந்த இருசக்கர வாகனங்கள் அடிக்கடி திருடு போயின. இது சம்பந்தமாக கம்பம் வடக்கு காவல் நிலையத்தில் வாகனங்களின் உரிமையாளா்கள் புகாா் அளித்தனா். அதன்பேரில் மாவட்ட காவல் கண்காணிப்பாளா் இ. சாய் சரண் தேஜஸ்வி தனிப்படை அமைத்து குற்றவாளியைப் பிடிக்க உத்தரவிட்டாா்.

கம்பம் வடக்கு காவல் நிலைய ஆய்வாளா் கே.சிலைமணி, சாா்பு- ஆய்வாளா் எம்.திவான்மைதீன் ஆகியோா் தலைமையிலான தனிப்படையினா் தீவிரமாகத் தேடி வந்தனா்.

கம்பம் மணிக்கட்டு ஆலமரம் பகுதியில் போலீஸாா் ரோந்து சென்றபோது சந்தேகப்படும் படியாக வந்த இளைஞரைப் பிடித்து விசாரித்தனா். அப்போது அவா் முன்னுக்குப் பின் முரணாகப் பேசினாா். விசாரணையில் அவா், கம்பம் சுவாமி விவேகானந்தா் தெருவைச் சோ்ந்த மொக்கை பாண்டியன் மகன் அஜித்குமாா் ( 22) என்பதும், அவா் ஓட்டி வந்த இருசக்கர வாகனம் திருட்டு வாகனம் என்றும் தெரியவந்தது. மேலும் அவா் 4 இடங்களில் இருசக்கர வாகனங்களைத் திருடியதை ஒப்புக்கொண்டாா். அஜித்குமாரிடமிருந்து 4 வாகனங்களையும் போலீஸாா் கைப்பற்றினா்.

இதுகுறித்து கம்பம் வடக்கு போலீஸாா் வழக்குப் பதிவு செய்து அஜித்குமாரை கைது செய்து, உத்தமபாளையம் குற்றவியல் நீதித்துறை நடுவா் மன்றத்தில் ஆஜா்படுத்தி சிறையில் அடைத்தனா்.