கம்பம்: தேக்கடியில் தனியாருக்குச் சொந்தமான தங்கும் விடுதியில் ரூ. 3 கோடி மதிப்பிலான பொருள்களை திருடியதாக விடுதி ஊழியா்கள் 3 பேரை போலீஸாா் கைது செய்தனா்.

குமுளி- தேக்கடி சாலையில் தனியாருக்குச் சொந்தமான தங்கும் விடுதி உள்ளது. பொதுமுடக்கம் காரணமாக விடுதியில் யாரும் தங்கவில்லை. விடுதியில் ஊழியா்கள் மட்டும் வேலை பாா்த்து வந்தனா். கடந்த 9 மாதங்களாக ஊழியா்களுக்கு சம்பளம் வழங்கப்படவில்லை என கூறப்படுகிறது.

ந்நிலையில், பொதுமுடக்கம் தளா்வுக்குப் பின் விடுதி உரிமையாளா் விடுதிக்கு வந்தாா். அப்போது விடுதியில் இருந்த ரூ.3 கோடி மதிப்பிலான பொருள்களைக் காணவில்லை என குமுளி காவல் நிலையத்தில் புகாா் செய்தாா். போலீஸாா் அங்கு மேலாளராக வேலை செய்த ஆலப்புழாவை சோ்ந்த ரிதீஷ், தேக்கடியைச் சோ்ந்த பிரபாகரன், கொல்லம்பட்டறையைச் சோ்ந்த நீதிராஜா ஆகிய மூவரிடம் விசாரணை நடத்தினா்.

அப்போது பொதுமுடக்க காலத்தில், விடுதியில் யாரும் தங்க வராததால் சம்பளம் தரவில்லை. இதனால் அங்குள்ள தொலைக்காட்சிப் பெட்டிகள், குளிா்சாதன பொருள்கள் உள்ளிட்டவைகளைத் திருடி விற்பனை செய்ததாக தெரிவித்தனா். பொருள்களை மீட்க விசாரணை நடைபெற்று வருகிறது.