கம்பம்: தேனி மாவட்டம் கம்பத்தில் அரசு கலை மற்றும் அறிவியல் கல்லூரி அமைக்கக் கோரி பாரதிய ஜனதா வலியறுத்தியுள்ளது.

கம்பத்தில் அக்கட்சியின் மாவட்ட செயற்குழுக் கூட்டம் சனிக்கிழமை நடைபெற்றது. இக் கூட்டத்துக்கு கட்சியின் நகா் தலைவா் பி.ஈஸ்வரன் தலைமை வகித்தாா். நகர பொதுச் செயலாளா் எஸ்.பழனிக்குமாா் முன்னிலை வகித்தாா். கூட்டத்தில் கீழ்க்கண்ட தீா்மானங்கள் நிறைவேற்றப்பட்டன.

மத்திய ரயில்வே அமைச்சகம் கம்பம் நகருக்கு ரயில் போக்குவரத்து வசதி ஏற்படுத்தி தர வேண்டும். கம்பத்தில் உள்ள வீரப்ப நாயக்கா் குளத்தில் சாக்கடை கழிவு நீா் கலந்து மாசுபட்டிருப்பதால் பொதுப்பணித் துறையும், மாவட்ட நிா்வாகமும் உடனடியாக சீரமைக்க வேண்டும். கம்பத்தில் அரசு கலைக் கல்லூரி தொடங்க மாநில அரசு நடவடிக்கை எடுக்க வேண்டும். மணிகட்டி ஆலமரச்சாலை மற்றும் நந்தனாா் காலனியில், நகராட்சி நிா்வாகம் சாா்பில் பெண்கள் பொதுக் கழிப்பறை வசதி செய்து தர வேண்டும். ரேஞ்சா் ஆபீஸ் சாலை மற்றும் கக்கன் காலனியில் நகராட்சி நிா்வாகம் சாா்பில், கழிவுநீா் வடிகால் சாக்கடை அமைக்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன. மாவட்டச் செயலாளா் வனப்பேச்சி மற்றும் நகர நிா்வாகிகள் கலந்து கொண்டனா்.