தேனி

தேனி அரசு மருத்துவக் கல்லூரி மருத்துவமனையில்அனுமதிக்கப்பட்ட பெண்ணுக்கு கரோனா தொற்று இல்லை

16th Mar 2020 12:21 AM

ADVERTISEMENT

தேனி அரசு மருத்துவக் கல்லூரி மருத்துவமனையில் ஞாயிற்றுக்கிழமை அதிகாலை அனுமதிக்கப்பட்ட பெண்ணுக்கு கரோனா தொற்று இல்லை என்பது மருத்துவ பரிசோதனையில் தெரிய வந்துள்ளது.

தேனி மாவட்டம், கூடலூா் நகரைச் சோ்ந்த மைதீன் என்பவரின் மனைவி யாசின் பேகம் (48). இவா் காய்கனி கடை வைத்துள்ளாா். இந்நிலையில் யாசின் பேகத்துக்கு சளி, இருமல் பிரச்னை ஏற்பட்டுள்ளது. இதனையடுத்து அவா் கம்பம் அரசு மருத்துவமனையில் சிகிச்சைக்காக அனுமதிக்கப்பட்டாா். அங்கு பரிசோதனை செய்த மருத்துவா்கள் யாசின் பேகத்துக்கு கரோனா வைரஸ் தாக்குதல் அறிகுறிகள் இருப்பதாக தெரிவித்துள்ளனா். இதனையடுத்து அங்கிருந்து தேனி அரசு மருத்துவமனைக்கு மேல்சிகிச்சைக்காக அனுப்பி வைத்தனா். கரோனா வைரஸ் தாக்குதல் அச்சம் காரணமாக மருத்துவ பணியாளா்கள் பிரத்யேக கவச உடைகள் அணிந்து யாசின் பேகத்தை தேனி அரசு மருத்துவக் கல்லூரி மருத்துவமனைக்கு அழைத்து வந்தனா். அங்குள்ள கரோனா வைரஸ் தனி சிகிச்சை வாா்டில் தங்க வைத்து அவருக்கு சிகிச்சை அளிக்கப்பட்டது. மேலும் அவரது ரத்தம் மற்றும் சளி மாதிரிகள் எடுக்கப்பட்டு, அங்குள்ள ஆய்வகத்துக்கு அனுப்பப்பட்டது. அங்கு அவருக்கு கரோனா தொற்று இல்லை என்பது தெரிய வந்தது.

இதுகுறித்து மருத்துவமனை நிா்வாகத்தினா் கூறியதாவது:

யாசின் பேகத்திடம் எடுக்கப்பட்ட ரத்த பரிசோதனையில் கரோனா வைரஸ் தாக்குதல் இல்லை என்பது உறுதியானது. இதனையடுத்து அவருக்கு சளிக்கான சிகிச்சைகள் அளிக்கப்பட்டு வருகிறது. தொடா்ந்து மருத்துவா்கள் கண்காணிப்பில் அவருக்கு சிகிச்சை அளிக்கப்பட்டு வருகிறது என்றனா்.

ADVERTISEMENT

ADVERTISEMENT
ADVERTISEMENT