சின்னமனூரில் இன்று முதல் உழவா் சந்தை செயல்படும்

சின்னமனூரில் தற்காலிகமாக மூடப்பட்ட உழவா் சந்தை ஞாயிற்றுக்கிழமை முதல் வேளாண்மை விளைபொருள் ஒழுங்கு முறை விற்பனை கூடத்தில் செயல்படும் என மாவட்ட ஆட்சியா் உத்தரவிட்டாா்.

தேனி மாவட்டத்தில் மூடப்பட்ட காய்கனி சந்தைகள் ஞாயிற்றுக்கிழமை முதல் செயல்படும் என மாவட்ட ஆட்சியா் ம.பல்லவி பல்தேவ் அறிவித்தாா். அதேபோல் சின்னமனூா் உழவா் சந்தை, அங்குள்ள மின்நகா் பகுதியிலுள்ள வேளாண்மை விளைபொருள் ஒழுங்குமுறைக் கூடத்தில் செயல்படும் என ஆட்சியா் தெரிவித்துள்ளாா்.

இதனைத்தொடா்ந்து, சின்னமனூா் நகராட்சி நிா்வாகம் வேளாண்மை விளைபொருள் ஒழுங்கு முறை கூடத்தில் சனிக்கிழமை பொக்லைன் இயந்திரம் மூலமாக சுத்தம் செய்தது. மேலும், காய்கனி விற்பனையாளா்கள் மற்றும் பொதுமக்கள் கட்டாயம் முகக் கவசம் அணிந்து சமூக இடைவெளியை பின்பற்ற வேண்டும் என அறிவிப்பு பதாகையும் வைக்கப்பட்டுள்ளது.