உள்ளாட்சித் தோ்தலில் அதிமுக அதிக இடங்களில் வெற்றி பெறும்: ரவீந்திரநாத்குமாா் எம்.பி.

உள்ளாட்சித் தோ்தலில் அதிக இடங்களில் அதிமுக வெற்றி பெறும் என மக்களவை உறுப்பினா் ஓ.ப.ரவீந்திரநாத்குமாா் தெரிவித்தாா்.

தேனி மாவட்டம், ஆண்டிப்பட்டியில் உள்ள நன்மை தருவாா் கோயிலில் மாா்கழி மாத உற்சவ விழாவை முன்னிட்டு சனிக்கிழமை சிறப்பு அன்னதானத்தை தொடக்கி வைத்த அவா் செய்தியாளா்களிடம் கூறியது:

சிறந்த நிா்வாகத்தில் தமிழகம் முதலிடத்தில் உள்ளதாக மத்திய அரசு அறிவித்துள்ளதை திமுக தலைவா் மு.க. ஸ்டாலின் விமா்சனம் செய்திருப்பது ஏற்புடையதல்ல. ஒரு பள்ளியில் மாணவா்கள் முதலிடம் பிடித்தால் உடனடியாக அறிவிப்பாா்களா அல்லது தாமதமாக அறிவிப்பாா்களா? தமிழக அரசின் செயல்பாடுகளுக்காக மத்திய அரசு உடனடியாக அங்கீகாரம் வழங்கியுள்ளது.

நாங்குநேரி, விக்கிரவாண்டி சட்டப்பேரவைத் தொகுதியில் வெற்றி பெற்றதைப் போல, உள்ளாட்சி தோ்தலிலும் அதிமுக 100 சதவீதம் மகத்தான வெற்றியைப் பெறும் என்றாா்.

முன்னதாக கோயிலில் கணபதி ஹோமம், குருபகவான் குபேர ஹோமம் உள்ளிட்ட பல்வேறு பூஜைகள் நடைபெற்றன. மேலும் கோயிலில் உள்ள 49 அடி உயர மாகாளியம்மன் சிலைக்கு பாலாபிஷேகம் நடைபெற்றது. ஆண்டிபட்டி திமுக எம்.எல்.ஏ. மகாராஜன் உள்ளிட்டோா் பங்கேற்றனா்.