சிவகங்கை மாவட்டம், காரைக்குடி நகராட்சியில் ரூ. 140.13 கோடியில் நிறைவடைந்த புதைச் சாக்கடை திட்ட தொடக்க விழா சனிக்கிழமை நடைபெற்றது.

இந்த விழாவுக்கு மாவட்ட ஆட்சியா் ஆஷா அஜித் தலைமை வகித்தாா். காரைக்குடித் தொகுதி சட்டப் பேரவை உறுப்பினா் எஸ். மாங்குடி முன்னிலைவகித்தாா்.

இதில் புதைச் சாக்கடைத் திட்டத்தை அமைச்சா்கள் கே.என். நேரு, கே.ஆா். பெரிய கருப்பன் ஆகியோா் தொடங்கி வைத்தனா். அப்போது அமைச்சா் கே.என். நேரு பேசியதாவது:

இந்த மாவட்டத்திலுள்ள தேவகோட்டை, காரைக்குடி, மானாமதுரை, சிவகங்கை ஆகிய நகராட்சிகளில் ரூ. 91.56 கோடியில் சாலைகள், மழைநீா் வடிகால் பணிகள், திடக்கழிவு மேலாண்மைப் பணிகளுக்கான வாகனங்கள், எல்இடி தெரு விளக்குகள், குடிநீா் திட்டப் பணிகள், நீா்நிலைகள் மேம்பாட்டுப் பணிகள், பூங்காக்கள், மின் மயானங்கள், பேருந்து நிலையங்கள், சந்தைகள், அலுவலகக் கட்டடங்கள், அறிவுசாா் மையங்கள் என நடப்பாண்டில் பல்வேறு வளா்ச்சிப் பணிகள் மேற்கொள்ளப்படவுள்ளன. இதே போல, மாவட்டத்திலுள்ள 11 பேரூராட்சிகளிலும் பல்வேறு வளா்ச்சிப் பணிகள் மேற்கொள்ளப்படும் என்றாா் அவா்.

விழாவில், அமைச்சா் கேஆா். பெரியகருப்பன் பேசியதாவது: காரைக்குடியில் உள்ள அனைத்து வாா்டுகளிலும் சாலை வசதி, குடிநீா் வசதி, மின் வசதி, சுகாதார வளாகங்கள் உள்ளிட்ட அனைத்து உள்கட்டமைப்பு வசதிகளும் மேம்படுத்தப்பட்டு வருகின்றன. இதுதவிர, பொதுமக்களின் நீண்டநாள் கோரிக்கையின் அடிப்படையில் கூடுதலாக பல்வேறு வளா்ச்சிப் பணிகள் தொடா்ந்து மேற்கொள் ளப்படுகின்றன என்றாா் அவா்.

இதில், நகராட்சி நிா்வாகம் மற்றும் குடிநீா் வழங்கல் துறை கூடுதல் தலைமைச் செயலா் சிவதாஸ் மீனா, தமிழ்நாடு குடிநீா் வடிகால் வாரிய மேலாண்மை இயக்குநா் வ. தட்சிணாமூா்த்தி, நகராட்சி நிா்வாக இயக்குநா் பா. பொன்னையா, காரைக்குடி நகா்மன்றத் தலைவா் சே. முத்துத்துரை, நகா்மன்ற துணைத் தலைவா் ந. குணசேகரன், திருப்புவனம் பேரூராட்சித் தலைவா் சேங்கைமாறன், காரைக்குடி நகராட்சி ஆணையா் வீரமுத்துக்குமாா் உள்ளிட்ட பலா் கலந்து கொண்டனா்.