சிவகங்கை

தேசிய தர மதிப்பீட்டுப் பட்டியலில் அழகப்பா அரசு கலைக் கல்லூரி

DIN

2023 -ஆம் ஆண்டுக்கான தேசிய தர மதிப்பீட்டுப் பட்டியலில் காரைக்குடி அழகப்பா அரசு கலைக் கல்லூரி இடம் பெற்றது.

கல்லூரியின் உள்கட்டமைப்பு வசதி, மாணவா்களின் தோ்ச்சி விகிதம், பேராசிரியா்களின் ஆய்வு வெளியீடுகள், மாணவா்களின் பணி வாய்ப்பு, பிற செயல்பாடுகள் ஆகியவற்றை அடிப்படையாகக் கொண்டு ஆண்டுதோறும் இந்திய அளவில் கலை அறிவியல் கல்லூரிகளின் தரவரிசைப் பட்டியலை தேசிய தர மதிப்பீட்டுக் குழு வெளியிடுவது வழக்கம்.

2023 -ஆம் ஆண்டுக்கான தேசிய தர மதிப்பீட்டுப் பட்டியல் திங்கள்கிழமை வெளியிடப்பட்டது. இந்தப் பட்டியலில் அழகப்பா அரசு கலைக் கல்லூரி 63-ஆவது இடத்தைப் பெற்றது.

பட்டியலில் இந்திய அளவில் முதல் 100 இடங்களுக்குள் தமிழ்நாட்டில் இருந்து மட்டும் 35 கல்லூரிகள் இடம் பெற்றன. இவற்றில் சென்னையிலிருந்து 2 கல்லூரிகள், கோவையில் ஒரு கல்லூரி, காரைக்குடி அழகப்பா அரசு கலைக் கல்லூரி ஆகிய 4 அரசுக் கல்லூரிகளும் அடங்கும்.

இதற்காக உழைத்த பேராசிரியா்களையும் ஆசிரியா்களல்லாத பணியாளா்களையும், மாணவா்களையும் கல்லூரியின் முதல்வா் அ. பெத்தாலெட்சுமி பாராட்டினாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

‘உன்ன நினைச்சதும்’.. சித்தி இத்னானி!

ஃபேமிலி ஸ்டார் டிரைலர்!

விண்ணப்பித்துவிட்டீர்களா..? ரூ.1,25,000 சம்பளத்தில் இலங்கையில் ஆசிரியர் பயிற்றுநர் வேலை!

‘இஸ்ரேல் தனித்து செயல்படும்’ : நெதன்யாகு பதில்!

எம்.பி. சீட் கொடுக்காததால் கணேசமூர்த்தி தற்கொலையா? வைகோ பதில்

SCROLL FOR NEXT