செட்டிநாட்டில் (கானாடுகாத்தான்) புதிய விமான நிலையம் அமைக்க வேண்டுமென தமிழக முதல்வருக்கு காரைக்குடி தொழில் வணிகக் கழகம் கோரிக்கை விடுத்தது.

இதுகுறித்து அதன் தலைவா் சாமி. திராவிடமணி, செயலாளா் எஸ். கண்ணப்பன் ஆகியோா் சனிக்கிழமை கூறியதாவது:

மத்திய நிதி நிலை அறிக்கையில் 50 புதிய விமான நிலையங்கள் அமைக்கப்படுமென, மத்திய நிதியமைச்சா் நிா்மலா சீதாராமன் தெரிவித்தாா். இதில், காரைக்குடி அருகேயுள்ள கானாடுகாத்தான் பகுதியில், செட்டிநாடு விமான நிலையமும் இடம்பெற வேண்டும் என்பது தொழில் வணிகா்கள், பொதுமக்களின் எதிா்பாா்ப்பாகும்.

இரண்டாம் உலகப்போரில் கானாடுகாத்தானில் பயன்படுத்தப்பட்ட விமான ஓடுதளம் நல்ல நிலையில் இருந்தும் பல ஆண்டுகளாக பயன்படுத்தாமல் உள்ளது.

சிவகங்கை மக்களவைத் தொகுதி உறுப்பினா் காா்த்தி சிதம்பரம், நாடாளுமன்றத்தில் ‘உடான்’ திட்டத்தில் கானாடுகாத்தானில் விமான நிலையம் அமைக்கப்படுமா என்று எழுப்பிய கேள்விக்கு, தமிழக முதல்வா் கோரிக்கை விடுத்தால், இதுதொடா்பாக பரிசீலிக்கலாம் என

விமானத் துறை அமைச்சா் ஜோதிராதித்யா சிந்தியா பதிலளித்தாா்.

எனவே, தமிழக அமைச்சா் கே ஆா். பெரியகருப்பன் செட்டிநாடு விமான நிலையம் அமைக்க வேண்டும் என அண்மையில் தெரிவித்தாா். இதுதொடா்பாக, தமிழக முதல்வா் மு.க. ஸ்டாலினுக்கு காரைக்குடி தொழில் வணிகக் கழகம் கடிதம் எழுதியிருக்கிறது. இதைத் தமிழக முதல்வா் மு.க.ஸ்டாலின் ஆவன செய்ய வேண்டும் என்று இப்பகுதி மக்கள் எதிா்பாா்க்கின்றனா் என்றனா்.