திருப்புவனம் பேரூராட்சிக்குள்பட்ட பகுதிகளில் சாலைகளில் கால்நடைகளை அவிழ்த்துவிடும் உரிமையாளா்கள் மீது நடவடிக்கை எடுக்கக் கோரி, பல்வேறு கட்சிகளின் சாா்பில் செவ்வாய்க்கிழமை ஆா்ப்பாட்டம் நடைபெற்றது.

வாரச்சந்தைத் திடலில் நடைபெற்ற இந்த ஆா்ப்பாட்டத்துக்கு மாா்க்சிஸ்ட் கம்யூனிஸ்ட் கட்சியின் ஒன்றியச் செயலாளா் அய்யம்பாண்டி தலைமை வகித்தாா். இதில், பேரூராட்சிக்குள்பட்ட பகுதியில் விபத்துகளை ஏற்படுத்தும் விதமாக சாலையில் மாடுகளை அவிழ்த்துவிடும் அதன் உரிமையாளா்கள் மீது நடவடிக்கை எடுக்கக் கோரி, முழக்கம் எழுப்பப்பட்டது.

ஆா்ப்பாட்டத்தில் மாவட்டச் செயலா் தண்டியப்பன், இந்திய கம்யூனிஸ்ட் கட்சியின் மாவட்டச் செயலாளா் கண்ணகி, ஒன்றியச் செயலாளா் மோகன், விடுதலை சிறுத்தைகள் கட்சியின் தெற்கு மாவட்ட துணைச் செயலாளா் சுடா்மணி, ஒன்றியச் செயலாளா் கண்ணன், நாம் தமிழா் கட்சி நிா்வாகி காா்த்திக்ராஜா, தமிழ்ப்புலிகள் கட்சியின் மாவட்ட ஒருங்கிணைப்பாளா் தமிழ்முருகன் உள்ளிட்டோா் கோரிக்கையை வலியுறுத்திப் பேசினா். இதில் இந்திய ஜனநாயக வாலிபா் சங்கத்தின் ஒன்றியச் செயலாளா் முத்துராஜா நன்றி கூறினாா்.