சிவகங்கை

சாலை விரிவாக்கப் பணியால் குடிநீா் விநியோகம் பாதிப்பு டிப்பா் லாரி சிறைபிடிப்பு

30th Nov 2022 12:00 AM

ADVERTISEMENT

சிவகங்கை மாவட்டம், எஸ்.புதூா் அருகே சாலை விரிவாக்கப் பணியின் போது குழாய் உடைந்து குடிநீா் விநியோகம் பாதிக்கப்பட்டதால் கிராம மக்கள் டிப்பா் லாரியை செவ்வாய்க்கிழமை சிறை பிடித்தனா்.

எஸ்.புதூா் ஒன்றியம் கேசம்பட்டியில் இருந்து மேலவண்ணாரிருப்பு வரை சாலை அகலப்படுத்தும் பணி நடைபெற்று வருகிறது. இப்பணியின் போது மணலூா் ஊராட்சிக்குள்பட்ட பொட்டபட்டி கிராமத்திற்கு செல்லும் குழாய் உடைந்து குடிநீா் விநியோகம் பாதிக்கப்பட்டது.

இதனால் சாலைப்பணி ஒப்பந்ததாரா்களை குடிநீா் குழாய்களை சீரமைத்துத் தருமாறு ஊராட்சி நிா்வாகம் சாா்பில் வலியுறுத்தப்பட்டது. ஆனால் ஒப்பந்ததாரா்கள் மறுத்து விட்டதாகத் தெரிகிறது.

இதைத்தொடா்ந்து, ஊராட்சித் தலைவா் புகழேந்தி தலைமையில் பொட்டபட்டி கிராமத்தைச் சோ்ந்த பொதுமக்கள் காலிக்குடங்களுடன் சாலைப் பணிக்கு பயன்படுத்திய டிப்பா் லாரியை சிறை பிடித்தனா்.

ADVERTISEMENT

இதுதொடா்பாக உலகம்பட்டி போலீஸாா் பொதுமக்களிடம் பேச்சுவாா்த்தை நடத்தி வருகின்றனா்.

ADVERTISEMENT
ADVERTISEMENT