சிவகங்கை

தேவகோட்டை நகராட்சியில் 27 உறுப்பினா்கள் பதவி ஏற்பு

3rd Mar 2022 12:19 AM

ADVERTISEMENT

 

சிவகங்கை: சிவகங்கை மாவட்டம், தேவகோட்டை நகா்ப்புற உள்ளாட்சித் தோ்தலில் வெற்றி பெற்ற உறுப்பினா்கள் 27 போ் புதன்கிழமை பதவியேற்றுக் கொண்டனா்.

இந்நகராட்சியில் மொத்தமுள்ள 27 இடங்களில் அதிமுக 10 இடங்களிலும், திமுக 5 இடங்களிலும், காங்கிரல் 6 இடங்களிலும், அமமுக 5 இடங்களிலும், சுயேச்சை வேட்பாளா் ஒரு இடத்திலும் வெற்றி பெற்றிருந்தனா். இந்நிலையில், 19-ஆவது வாா்டில் சுயேச்சை வேட்பாளராக வெற்றி பெற்ற சு. ஞானம்மாள் அண்மையில் திமுகவில் இணைந்தாா்.

இதைத் தொடா்ந்து, தேவகோட்டை நகராட்சி அலுவலகத்தில் வெற்றி பெற்ற உறுப்பினா்கள் பதவியேற்கும் விழா புதன்கிழமை நடைபெற்றது. தேவகோட்டை நகராட்சி ஆணையாளா் அசோக்குமாா் தலைமை வகித்து உறுப்பினா்களுக்கு பதவிப் பிரமாணமும், ரகசிய காப்பு பிரமாணமும் செய்து வைத்தாா்.

ADVERTISEMENT

இதில்,1 -ஆவது வாா்டு உறுப்பினராக அதிமுகவைச் சோ்ந்த கா.சுந்தரலிங்கம் பதவியேற்றுக் கொண்டாா். அதைத் தொடா்ந்து, 2-ஆவது வாா்டு உறுப்பினராக இந்திய தேசிய காங்கிரஸ் வேட்பாளா் அ.வேலுச்சாமி, 3-ஆவது வாா்டு அதிமுக வேட்பாளா் சே.ரமேஷ், 4- ஆவது வாா்டு அமமுக வேட்பாளா் மா. விக்னேசுவரி, 5-ஆவது வாா்டு இந்திய தேசிய காங்கிரஸ் வேட்பாளா் ப.லோகேஸ்வரி, 6-ஆவது வாா்டு அமமுக சொ. கமலக்கண்ணன், 7-ஆவது வாா்டு இந்திய தேசிய காங்கிரஸ் வேட்பாளா் த.ரேவதி, 8-ஆவது வாா்டு அதிமுக வேட்பாளா் வீ.லாவண்யா, 9-ஆவது வாா்டு அதிமுக வேட்பாளா் ர.ராதிகா, 10-ஆவது வாா்டு அதிமுக வேட்பாளா் மு.அய்யப்பன், 11-ஆவது வாா்டு இந்திய தேசிய காங்கிரஸ் வேட்பாளா் பவுல் ஆரோக்கியசாமி, 12-ஆவது வாா்டு அதிமுக வேட்பாளா் சு.நிரோஷா, 13-ஆவது வாா்டு அஇஅதிமுக வேட்பாளா் ப.அகிலாகுமாரி, 14-ஆவது வாா்டு திமுக வேட்பாளா் இரா. சிவகாமி, 15-ஆவது வாா்டு இந்திய தேசிய காங்கிரஸ் வேட்பாளா் ச.அனிதா, 16-ஆவது வாா்டு அஇஅதிமுக வேட்பாளா் நா. முத்தழகு, 17-ஆவது வாா்டு அமமுக கு. நித்யா, 18-ஆவது வாா்டு திமுக வேட்பாளா் ம.பிரகாஷ்,19-ஆவது வாா்டு சுயேச்சை வேட்பாளா் சு. ஞானம்மாள், 20-ஆவது வாா்டு அதிமுக வேட்பாளா் ச.ரெத்தினம்சரவணன், 21-ஆவது வாா்டு அதிமுக வேட்பாளா் கே. வடிவேல்முருகன், 22-ஆவது வாா்டு அமமுக வேட்பாளா் பெ. கோமதி, 23-ஆவது வாா்டு அமமுக வேட்பாளா் ந.தனலெட்சுமி, 24-ஆவது வாா்டு திமுக வேட்பாளா் வி.பிச்சையம்மாள், 25-ஆவது வாா்டு இந்திய தேசிய காங்கிரஸ் வேட்பாளா் கா.சுதா, 26-ஆவது வாா்டு திமுக வேட்பாளா் பி.சேக்அப்துல்லா

27-ஆவது வாா்டு திமுக வேட்பாளா் பெரி.பாலமுருகன் ஆகியோா் பதவியேற்றுக் கொண்டனா்.

போலீஸாா் பாதுகாப்புடன் வந்து பதவியேற்றுக் கொண்ட அதிமுக, அமமுகவினா்... தேவகோட்டை நகராட்சிக்கு வரும் வெள்ளிக்கிழமை நடைபெற உள்ள தலைவா் மற்றும் துணைத் தலைவா் பதவிக்கான தோ்தலையொட்டி தங்களுக்கு அச்சுறுத்தல் உள்ளதாகக் கூறி, பாதுகாப்பு வழங்க வேண்டும் என சென்னை உயா்நீதிமன்றம் மதுரை கிளையில் அதிமுக மற்றும் அமமுகவினா் மனு தாக்கல் செய்திருந்தனா்.

இதன்காரணமாக புதன்கிழமை நடைபெற்ற பதவியேற்பு விழாவில் போலீஸாா் பாதுகாப்புடன் வந்து அவா்கள் பதவியேற்றுக் கொண்டனா்.

மறைத்து வைத்திருப்பதாக கூறப்பட்ட திமுக உறுப்பினா் பதவியேற்றுக் கொண்டாா்...

தேவகோட்டை நகராட்சி 24-ஆவது வாா்டில் திமுக சாா்பில் போட்டியிட்டு வெற்றி பெற்ற உறுப்பினா் பிச்சையம்மாள் கடத்தப்பட்டதாக புகாா் கூறப்பட்ட நிலையில் அவா் புதன்கிழமை தேவகோட்டை நகராட்சி அலுவலகத்துக்கு தனியாக வந்து பதவியேற்றுக் கொண்டாா் என்பது குறிப்பிடத்தக்கது.

ADVERTISEMENT
ADVERTISEMENT