சிவகங்கை

திருப்பத்தூா் பேரூராட்சி மன்ற கூட்டம்

1st Jul 2022 12:00 AM

ADVERTISEMENT

சிவகங்கை மாவட்டம் திருப்பத்தூா் பேரூராட்சியில் வியாழக்கிழமை மாதாந்திர கூட்டம் நடைபெற்றது.

பேரூராட்சி மன்ற அரங்கில் நடைபெற்ற இக்கூட்டத்திற்கு பேரூராட்சி மன்றத் தலைவா் கோகிலாராணி நாராயணன் தலைமை வகித்தாா். துணைத் தலைவா் கான்முகமது முன்னிலை வகித்தாா். செயல் அலுவலா் ராதாகிருஷ்ணன் தீா்மான அறிக்கை வாசித்தாா். மன்ற உறுப்பினா்கள் சையதுமுகமது இப்ராகிம், நேரு, அபுதாகிா், சரவணன், பாண்டியன், பசீா்அகமது, சீனிவாசன், கோமதி, நாகமீனாள், ரெமி, ராஜேஸ்வரி, சாந்தி, ஷமீம், சரண்யா உள்ளிட்டோா் தங்கள் பகுதிக்கான அடிப்படைத் தேவைகள் குறித்து செயல் அலுவலா் மற்றும் மன்றத் தலைவரிடம் கோரிக்கைகள் வைத்து விவாதத்தில் ஈடுபட்டனா்.

அதற்குப் பதிலளித்த தலைவா், 18 வாா்டுகளை உள்ளடக்கிய அனைத்துப் பகுதிகளுக்கும் கால்வாய் சீரமைப்பு, தெருவிளக்கு, சுகாதாரம் பேணுதல், குடிநீா் வசதி போன்றவைகள் படிப்படியாக நிறைவேற்றித் தரப்படும் என்று கூறினாா். செயல் அலுவலா் கூறுகையில், கழிவுநீா் அள்ளும் வண்டிகள் 2 மட்டுமே இருப்பதால் சுகாதாரப் பணியில் தொய்வு ஏற்படுவதாகவும் கூடிய விரைவில் சரிசெய்யப்படும் என்றாா்.

ADVERTISEMENT
ADVERTISEMENT