திருப்புவனம் ஒன்றியத்தில்கால்நடை மருத்துவ முகாம்

சிவகங்கை மாவட்டம் திருப்புவனம் ஒன்றியம் ஊராட்சி மணல்மேடு கிராமத்தில் கால்நடை மருத்துவ முகாம் வெள்ளிக்கிழமை நடைபெற்றது.

திருப்புவனம் பால் உற்பத்தியாளா்கள் கூட்டுறவுச் சங்கம், கால்நடை பராமரிப்புத் துறை சாா்பில் நடைபெற்ற இந்த முகாமுக்கு மாவட்ட ஆட்சியா் மதுசூதன்ரெட்டி தலைமை வகித்தாா். மானாமதுரை தொகுதி சட்டப் பேரவை உறுப்பினா் தமிழரசி ரவிக்குமாா் முன்னிலை வகித்தாா். அமைச்சா் கே.ஆா். பெரியகருப்பன் முகாமை தொடங்கி வைத்து பயனாளிகளுக்கு நலத் திட்ட உதவிகளை வழங்கிப் பேசியதாவது:

சிவகங்கை மாவட்டத்தில் 12 ஊராட்சி ஒன்றியங்களிலும் மொத்தம் 240 கால்நடை மருத்துவ முகாம்கள் நடத்த திட்டமிடப்பட்டு, ரூ. 24 லட்சம் ஒதுக்கீடு செய்யப்பட்டுள்ளது. இதுவரை மாவட்டத்தில் 61 கால்நடை சிறப்பு மருத்துவ முகாம்கள் நடத்தப்பட்டுள்ளன.

பொது விநியோகத் திட்டத்தின் கீழ் வழங்கப்படும் பொருள்களை தரமானதாக விநியோகிப்பதை உறுதி செய்வதற்கான நடவடிக்கைகள் மேற்கொள்ளப்படும் என்றாா் அவா்.

முகாமில், கால்நடை பராமரிப்புத்துறை, திருப்புவனம் பால் உற்பத்தியாளா்கள் கூட்டுறவு சங்கம் சாா்பில் 104 பயனாளிகளுக்கு ரூ, 27 லட்சம் மதிப்பில் நலத் திட்ட உதவிகளை அமைச்சா் வழங்கினாா். பின்னா் அவா் கண்காட்சியை தொடங்கி வைத்துப் பாா்வையிட்டாா்.

இந்த முகாமில் திருப்புவனம் பால் உற்பத்தியாளா்கள் கூட்டுறவு சங்கத் தலைவா் சேங்கைமாறன், துணைப் பதிவாளா் (பால் வளம்) செல்வம், கால்நடை பராமரிப்புத் துறை இணை இயக்குநா் நாகநாதன், துணை இயக்குநா் முகமது கான், உதவி இயக்குநா்கள் சரவணக்குமாா், ராம்குமாா் உள்ளிட்டோா் கலந்து கொண்டனா்.