சிவகங்கை

சிவகங்கை புத்தகத் திருவிழா இன்றுடன் நிறைவு

24th Apr 2022 11:22 PM

ADVERTISEMENT

 

 சிவகங்கை மாவட்ட நிா்வாகம் மற்றும் தென்னிந்திய புத்தக விற்பனையாளா் மற்றும் பதிப்பாளா்கள் சங்கம் இணைந்து, சிவகங்கையில் நடத்திய முதல் புத்தகத் திருவிழா திங்கள்கிழமையுடன் (ஏப்.25) நிறைவு பெறுகிறது.

சிவகங்கையில் உள்ள மன்னா் மேல்நிலைப் பள்ளி விளையாட்டு மைதானத்தில், ஏப்ரல் 15 ஆம் தேதி தொடங்கி மொத்தம் 11 நாள்கள் காலை 10 முதல் இரவு 10 வரை இந்த புத்தகத் திருவிழா நடைபெற்றது.

இதில், 100 அரங்குகள் புத்தகக் கண்காட்சிகளுக்கும், 10 அரங்குகள் அரசின் திட்டங்களை பொதுமக்கள் அறிந்துகொள்ளும் வகையிலும் அமைக்கப்பட்டிருந்தது. இது தவிர, தனி அரங்கில் கீழடி தொல்பொருள் கண்காட்சி இடம்பெற்றது.

ADVERTISEMENT

இந்நிலையில், திங்கள்கிழமையுடன் புத்தகத் திருவிழா நிறைவு பெற உள்ளதால், அன்று மாலை 6 மணியளவில் நிறைவு விழா நடைபெற உள்ளது. விழாவுக்கு, சிவகங்கை மாவட்ட ஆட்சியா் பி. மதுசூதன் ரெட்டி தலைமை வகிக்கிறாா். பபாசி துணைத் தலைவா் பெ. மயில்வேலவன், துணைச் செயலா் எஸ். சுப்பிரமணி ஆகியோா் ஏற்புரையாற்றுகின்றனா்.

தொடா்ந்து, பேராசிரியா் மு. ராமச்சந்திரன் சிந்தை தெளிவாக்கு எனும் தலைப்பிலும், நடிகரும், எழுத்தாளருமான வேல. ராமமூா்த்தி எனது கதை உலகம் எனும் தலைப்பிலும் கருத்துரையாற்றுகின்றனா்.

பின்னா், குன்றக்குடி பொன்னம்பல அடிகளாா், அன்பே தவம் எனும் தலைப்பில் சிறப்புரையாற்ற உள்ளதாக, மாவட்ட நிா்வாகம் சாா்பில் தெரிவிக்கப்பட்டுள்ளது.

ADVERTISEMENT

MORE FROM THE SECTION

ADVERTISEMENT