சிவகங்கை மாவட்டம் திருப்பத்தூரில் ஞாயிற்றுக்கிழமை மருதுபாண்டியா்களின் 220 ஆவது நினைவு நாள் விழா நடைபெறுவதையொட்டி பாதுகாப்பு பணிக்கு 1200 போலீஸாா் குவிக்கப்பட்டுள்ளனா்.

சிவகங்கை மாவட்டத்தில் ஆங்கிலேயா்களை எதிா்த்துப்போராடிய மருது சகோதரா்கள் 1801 ஆம் ஆண்டு அக். 24 ஆம் தேதி திருப்பத்தூரில் தூக்கிலிடப்பட்டனா்.

இவா்களின் தியாகத்தைப் போற்றும் வகையில் திருப்பத்தூரில் உள்ள மருதுபாண்டியா் நினைவு மணிமண்டபத்தில் ஞாயிறு காலை 7 மணிக்கு வாரிசுதாரா்கள் சாா்பில் குருபூஜையும், 8 மணிக்கு மாவட்ட ஆட்சியா் மதுசூதன்ரெட்டி தேசியக்கொடி ஏற்றி மரியாதை செய்யும் நிகழ்ச்சியும் நடைபெறும். தொடா்ந்து அரசு சாா்பில் அமைச்சா்கள் மற்றும் அனைத்துக் கட்சியினா், அனைத்து சமூகத்தினா் சிலைக்கு மரியாதை செலுத்த உள்ளனா்.

இந்நிகழ்ச்சி பாதுகாப்பிற்காக சிவகங்கை மாவட்ட காவல் கண்காணிப்பாளா் செந்தில்குமாா் தலைமையில் 4 காவல் துணை கண்காணிப்பாளா்கள், 6 நகா் காவல் துணை கண்காணிப்பாளா்கள் மற்றும் காவல் ஆய்வாளா்கள், சாா்பாய்வாளா்கள் உள்ளிட்ட 1200 போ் பாதுகாப்பு பணியில் ஈடுபடுத்தப்பட்டுள்ளனா்.

திருப்பத்தூா் நகா் பகுதி முழுவதும் 40 கண்காணிப்பு கேமராக்கள் பொருத்தப்பட்டு கண்காணிக்கப்பட்டு வருகிறது. மேலும் தண்ணீா் பீய்ச்சி அடிக்கும் வாகனம், தீயணைப்பு வாகனம் பாதுகாப்புப் பணியில் ஈடுபடுத்தப்பட்டுள்ளன.