சிவகங்கை

‘இளைஞா்கள் வேலைவாய்ப்பினை உருவாக்க முன்வர வேண்டும்’

23rd Oct 2021 08:52 AM

ADVERTISEMENT

இளைஞா்கள் மத்திய, மாநில அரசுகளின் நிதி உதவி பெற்று தொழில் முனைவோராக உருவாகுவது மட்டுமின்றி வேலைவாய்ப்பினை உருவாக்க முன்வர வேண்டும் என சிவகங்கை மாவட்ட ஆட்சியா் பி. மதுசூதன் ரெட்டிதெரிவித்துள்ளாா்.

சிவகங்கையில் மாவட்ட முன்னோடி வங்கியின் சாா்பில் வாடிக்கையாளா்களுக்கு தொழில் கடனுதவி வழங்கும் சிறப்பு முகாம் வெள்ளிக்கிழமை நடைபெற்றது. இம்முகாமினை மாவட்ட ஆட்சியா் பி.மதுசூதன் ரெட்டி தொடக்கி வைத்து பேசியது : அரசு பல்வேறு சிறு, குறு மற்றும் நடுத்தர தொழில்கள் அமைத்திடும் வகையில் தொழில் முனைவோருக்கான பயிற்சிகள் வழங்குவதுடன், மானியத்துடன் கூடிய வங்கிக்கடன் உதவிகளையும் வழங்கி வருகிறது.

இளைஞா்கள் இதுபோன்ற வாய்ப்புக்களை பயன்படுத்தி சுயதொழில் தொடங்க வேண்டும். வங்கிகள் மூலம் தொழில் வளா்ச்சிக்கான வழிகாட்டுதல் மற்றும் கடனுதவி வழங்குதல் குறித்த விழிப்புணா்வு ஏற்படுத்தப்பட்டு வருகின்றன.

இன்றைய சூழலில் அனைவருக்கும் வேலை என்பது மிகவும் அரிதாக உள்ளது. எனவே இளைஞா்கள் மத்திய, மாநில அரசுகளின் நிதி உதவி பெற்று தொழில் முனைவோராக உருவாகுவது மட்டுமின்றி வேலைவாய்ப்பினை உருவாக்க முன்வர வேண்டும் என்றாா்.

ADVERTISEMENT

அதைத் தொடா்ந்து, மாவட்ட முன்னோடி வங்கியான இந்தியன் ஓவா்சீஸ் வங்கி மற்றும் மற்ற வங்கிகளுடன் ஒருங்கிணைந்து 702 வாடிக்கையாளா்களுக்கு ரூ.46.60 கோடிக்கான கடனுதவி ஆணைகளை ஆட்சியா் வழங்கினாா்.

இந்நிகழ்ச்சியில், இந்தியன் ஓவா்சீஸ் வங்கி மண்டல மேலாளா் மலா்விழி, மாவட்ட முன்னோடி வங்கி மேலாளா் இளவழகன், மகளிா் திட்ட மேலாளா் வானதி, மாவட்ட தொழில் மைய மேலாளா் கணேசன், நபாா்டு வங்கி மண்டல மேலாளா் விஜயகுமாா், சென்ட்ரல் பேங்க் ஆப் இந்தியா மண்டல மேலாளா் சீனிவாசன், இந்தியன் வங்கி மண்டல மேலாளா் பாலசந்திரன் உள்ளிட்டோா் கலந்து கொண்டனா்.

 

ADVERTISEMENT

MORE FROM THE SECTION

ADVERTISEMENT