சிவகங்கை மாவட்டம் காரைக்குடி அருகே கண்டனூரில் தம்பதியை கட்டிப்போட்டு கொள்ளையடித்த அதே வீட்டில் குடியிருந்த ஒரு குடும்பத்தினா் உள்பட 8 பேரை போலீஸாா் சனிக்கிழமை கைது செய்தனா். அவா்களிடமிருந்து நகை, பணம் பறிமுதல் செய்யப்பட்டுள்ளது.

கண்டனூரில் தெட்சிணாமூா்த்தி (69), அவரது மனைவி விசாலாட்சி (62) ஆகிய இருவரும் கடந்த 3.7.2021 அன்று இரவு தனியாக வீட்டில் இருந்தபோது, ஒரு கும்பல் இருவரையும் கயிற்றால் கட்டிப் போட்டு 45 பவுன் தங்கம், 35 காரட் வைர நகைகள், ரொக்கம் ரு. 1.75 லட்சம் கொள்ளையடித்துச் சென்றது. இதுகுறித்து சாக்கோட்டை காவல் நிலைய போலீஸாா் வழக்குப் பதிவு செய்து விசாரித்து வந்தனா். மேலும் காரைக்குடி டி.எஸ்.பி. வினோஜி மேற்பாா்வையில் தனிப்படை அமைக்கப்பட்டு குற்றவாளிகளைத் தேடி வந்தனா்.

இந்நிலையில், கண்டனூா் அருகே மாத்தூா் விலக்கு சாலையில் போலீஸாா் சனிக்கிழமை வாகனச் சோதனை மேற்கொண்டனா். அப்போது அவ்வழியே வந்த வந்த அசோக்குமாா்(19), அவரது நண்பா் மகேஷ் (20) ஆகியோரைப் பிடித்து விசாரித்தனா்.

விசாரணையில் கொள்ளையடிக்கப்பட்ட வீட்டின் ஒரு பகுதியில் கண்டனூரைச் சோ்ந்த ராமு (48), பாக்கியலெட்சுமி (40), அவா்களது மகன் அசோக்குமாா் (19) ஆகியோா் வாடகைக்கு குடியிருந்துள்ளனா். பாக்கியலெட்சுமிக்கும், அவரது தோழியான ஆராவயலைச் சோ்ந்த மஞ்சுளா (40) என்பவருக்கும் கடன் தொல்லை இருந்ததால், தம்பதி வீட்டில் கொள்ளையடிக்க திட்டமிட்டு அசோக்குமாரிடம் கூறியுள்ளனா்.

இக்கொள்ளைச் சம்பவத்தை நிறைவேற்ற அசோக்குமாா், திருமயம் மகேஷ், அண்டக்குடி பந்தலராஜன், அஜய் மற்றும் சிலருடன் சோ்ந்து ஈடுபட்டது தெரியவந்தது. இதையடுத்து ராமு, பாக்கியலெட்சுமி, மஞ்சுளா, அசோக்குமாா், மகேஷ், சாக்கோட்டை அம்சகுமாா், ஆறாவயல் ஐங்கரன், வெங்களூா் பிரபுராஜ் ஆகிய 8 பேரை போலீஸாா் கைது செய்தனா்.

அவா்களிடமிருந்து 45 பவுன் நகைகள், 35 காரட் வைர நகைகள் மற்றும் 20 ஆயிரம் ரொக்கம் கைப்பற்றப்பட்டுள்ளது. இவ்வழக்கு தொடா்பாக தலைமறைவாக உள்ள பந்தல ராஜன், அஜய் ஆகியோரை போலீஸாா் தேடி வருகின்றனா்.