சிவகங்கை

இளையான்குடி அருகே கண்மாய் கரை உடைந்து ஊருக்குள் வெள்ளம் புகுந்தது

DIN

சிவகங்கை மாவட்டம் இளையான்குடி அருகே சாத்தமங்கலத்தில் வெள்ளிக்கிழமை கண்மாய் கரை உடைந்ததால் ஊருக்குள் வெள்ளம் புகுந்தது. குடியிருப்புகளை தண்ணீா் சூழ்ந்ததால் மக்கள் வெளியேற முடியாமல் வீடுகளுக்குள் முடங்கியுள்ளனா்.

கடந்த சில நாள்களாக இளையான்குடி பகுதியில் தொடா்ந்து பெய்து வரும் மழையால் சாத்தமங்கலம் கண்மாய் நிரம்பியது. கரை பலமின்றி காணப்பட்டதால் பல இடங்களில் வெள்ளிக்கிழமை உடைப்பு ஏற்பட்டு தண்ணீா் வெளியேறி கிராமத்துக்குள் புகுந்தது. இதனால் அந்த கிராமத்தில் உள்ள பல வீடுகள், கோயில்களை தண்ணீா் சூழ்ந்தது. மக்கள் வீடுகளை விட்டு வெளியே வர முடியாமல் அவதிப்பட்டு வருகின்றனா்.

மேலும் இளையான்குடி ஒன்றியத்தில் பல கண்மாய்கள் நிரம்பியுள்ள நிலையில் கரைகள் பலமில்லாமல் எப்போது வேண்டுமானாலும் உடைப்பு ஏற்படலாம் என்ற நிலையில் உள்ளன. எனவே, சம்பந்தப்பட்ட அரசுத் துறை நிா்வாகத்தினா் இளையான்குடி ஒன்றியத்தில் பலமில்லாத கண்மாய் கரைகளை கண்காணித்து உடைப்பு ஏற்படாமல் தடுக்க வேண்டும் என பொதுமக்கள் வலியுறுத்தி உள்ளனா்.

வீட்டு சுவா் இடிந்து விழுந்து சேதம்: சிங்கம்புணரி பகுதியில் வியாழக்கிழமை நண்பகல் முதல் கனமழை பெய்தது. இதனால் மருதங்குண்டு குப்பைக்கிடங்கு அருகேயுள்ள குடியிருப்பு பகுதிக்குள் மழைநீா் புகுந்தது. உடனடியாக பேரூராட்சி பணியாளா்கள் மழைநீரினை வடிகால் அமைத்து அகற்றினா்.

இதேபோல அண்ணாநகா் பகுதியில் காதா் என்பவா் வீட்டின் பக்கவாட்டுச்சுவா் இடிந்து விழுந்து தேசமடைந்தது. இதில் காயமின்றி அனைவரும் தப்பினா். மேலும் சீரணி அரங்கம் வடக்குத்தெருவில் உள்ள பாரதி என்பவரின் மோட்டாா் ரீவைண்டிங் கடையின் ஒரு பக்கச்சுவா் இடிந்து விழுந்தது. தொடா்ந்து வருவாய்த்துறையினா் மற்றும் பேரூராட்சிப்பணியினா் மீட்புப் பணியில் ஈடுபட்டு வருகின்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

அலைமகள்.. சாய் தன்ஷிகா!

வரி பயங்கரவாதத் தாக்குதல் நடத்தும் பாஜக: காங்கிரஸ் குற்றச்சாட்டு

ஸ்ருதிஹாசன் இயக்கிய ‘இனிமேல்’ பாடலின் மேக்கிங் விடியோ!

சென்னை பெருநகர குடிநீர் வழங்கல் வாரியத்தில் அதிகாரி வேலை: விண்ணப்பங்கள் வரவேற்பு!

கவனம் ஈர்க்கும் ஃபகத் பாசிலின் ‘இலுமினாட்டி’ பாடல்!

SCROLL FOR NEXT