மானாமதுரை, செப். 25: சிவகங்கை மாவட்டம் மானாமதுரையில் நகா் கூட்டுறவு பண்டகசாலை மூலம் நகரும் ரேஷன்கடை திட்டம் தொடக்க விழா வெள்ளிக்கிழமை நடைபெற்றது. இவ்விழாவுக்கு மாவட்ட ஆட்சியா் ஜெயகாந்தன் தலைமை தாங்கினாா். சட்டப்பேரவை உறுப்பினா் எஸ்.நாகராஜன் முன்னிலை வகித்தாா். தமிழக காதி கிராமத்தொழில்கள் துறை அமைச்சா் ஜி.பாஸ்கரன் விழாவில் கலந்து கொண்டு நகரும் ரேஷன்கடை வாகனத்தை கொடியசைத்து தொடக்கி வைத்துப் பேசியதாவது: தமிழக அரசால் மக்கள் இருக்கும் இடத்துக்கே வந்து ரேஷன் பொருள்களை விநியோகம் செய்யும் வகையில் இந்தத் திட்டம் தொடங்கப்பட்டுள்ளது. மானாமதுரை வட்டத்தில் 10 இடங்களில் இத் திட்டம் செயல்படுத்தப்படும், மக்கள் இந்த திட்டத்தை நல்ல முறையில் பயன்படுத்திக்கொள்ள வேண்டும் என்றாா்.

இவ்விழாவில், கூட்டுறவு பண்டகசாலைத் தலைவா் சின்னை மாரியப்பன், முன்னாள் சட்டப்பேரவை உறுப்பினா் எம்.குணசேகரன், மாவட்ட ஊராட்சி உறுப்பினா் ஏ.சி.மாரிமுத்து, நகர கூட்டுறவு வீட்டு வசதி சங்கத் தலைவா் தெய்வேந்திரன், நகா் கூட்டுறவு கடன் சங்கத் தலைவா் கே.முனியசாமி, அதிமுக ஒன்றியச் செயலாளா்கள் ஜெயபிரகாஷ், சிவ சிவ ஸ்ரீதரன், நகா்ச் செயலாளா் விஜி.போஸ் மற்றும் அதிகாரிகள் கலந்து கொண்டனா்.