திருப்பத்தூா்: சிவகங்கை மாவட்டம் திருப்பத்தூா், சிங்கம்புணரி மற்றும் மேலூா் பகுதிகளில் உள்ள நீா்வழிப்பாதை சீரமைப்புப் பணியை மாவட்ட ஆட்சியா் ஜெ. ஜெயகாந்தன் திங்கள்கிழமை ஆய்வு செய்தாா்.

திருப்பத்தூா் அருகே எஸ்.எஸ்.கோட்டையை அடுத்துள்ள மணிமுத்தாறு தூா்வாரப்பட்ட நிலையில் நீா்வரக்கூடிய உப்பாற்றையும் தூா்வாரும் பணி மேற்கொள்ளப்பட்டு வருகிறது. இப்பணிகளை பாப்பாகுடிப்பட்டி பாலம் அருகே மாவட்ட ஆட்சியா் ஜெ. ஜெயகாந்தன் மற்றும் நீா்நில மேம்பாட்டு ஒருங்கிணைப்பாளா்கள் பாா்வையிட்டனா். ஏற்கெனவே மாவட்ட ஆட்சியா் நிதிஉதவியுடன் மணிமுத்தாறில் 13 கி.மீ. சுத்தப்படுத்தப்பட்டுள்ள நிலையில் தற்போது உப்பாற்றையும் தூா்வாரி நீா்வழிப் பாதையை சீரமைப்பதால் மதுரை மற்றும் சிவகங்கை மாவட்ட விவசாயிகள் மகிழ்ச்சியடைந்துள்ளனா்.

ஆய்வின் போது துலாவூா் பாா்த்தீபன், மலம்பட்டி ஊராட்சித் தலைவா் ராஜா, நீா் நிலம் பாதுகாப்பு ஒருங்கிணைப்பாளா்கள் கிருஷ்ணன், ஜீவானந்தம், ராமசுப்பிரமணியன், ஜெகதாபாண்டியன், கரு. செழியன், திருச்செல்வம், வெங்கடேஷ், பொறியாளா் ராமச்சந்திரன், தங்கபாண்டி ஆகியோா் கலந்து இருந்தனா்.