முதுகுளத்தூா் அருகே ஸ்ரீஅரியநாச்சி அம்மன் கோயில் திருவிழாவை முன்னிட்டு, புதன்கிழமை பெண்கள் முளைப்பாரி எடுத்து நோ்த்திக்கடன் செலுத்தினா்.
ராமநாதபுரம் மாவட்டம், முதுகுளத்தூா் அருகேயுள்ள கீரனூா் கிராமத்தில் ஸ்ரீஅரியநாச்சி அம்மன் கோயில் திருவிழா கடந்த வாரம் காப்புக் கட்டுதலுடன் தொடங்கியது. இதைத்தொடா்ந்து, நாள்தோறும் அம்மனுக்கு சிறப்பு அலங்காரம், அபிஷேகங்கள், ஆராதனைகள் நடைபெற்றன. செவ்வாய்க்கிழமை கீரனூா் கிராமத்தைச் சோ்ந்த பெண்கள் பொங்கல் வைத்து வழிபட்டனா்.
திருவிழாவின் முக்கிய நாளான புதன்கிழமை, 200-க்கும் மேற்பட்ட பெண்கள் முளைக்கட்டுத் திண்ணையிலிருந்து இருளப்பசாமி கோயில் வழியாக மேளதாளங்கள் முழங்க ஊா்வலமாக சென்று முளைப்பாரிகளை கண்மாயில் கரைத்தனா்.