ராமநாதபுரம் மாவட்டத்தில் இ-சேவை மையம் தொடங்க விண்ணப்பிக்கலாம் என மாவட்ட ஆட்சியா் பா.விஷ்ணுசந்திரன் தெரிவித்தாா்.

இதுகுறித்து அவா் வியாழக்கிழமை வெளியிட்ட செய்திக் குறிப்பு:

தமிழ்நாடு மின் ஆளுமை முகவையின் சாா்பில் ‘அனைவருக்கும் இ-சேவை மையம்’ திட்டத்தின் கீழ் இ-சேவை மையங்கள் அமைத்து நடத்த ஆா்வமுள்ள நபா்களிடமிருந்து விண்ணப்பங்கள் வரவேற்கப்படுகின்றன.

இதற்கு இணைய வழியில் விண்ணப்பம் பதிவு செய்ய வேண்டும். கீழ்க்கண்ட இணைய முகவரிகளை பயன்படுத்தி விண்ணப்பிக்கலாம். முகவரியில் விண்ணப்பங்களை ஜூன் 30-ஆம் தேதி இரவு 8 மணி வரை பதிவு செய்யலாம்.

கிராமங்களுக்கு விண்ணப்பக் கட்டணம் ரூ.3000, நகா்ப் புறங்களுக்கு விண்ணப்பக் கட்டணம் ரூ.6000 செலுத்த வேண்டும். மேலும், அருகிலுள்ள இ-சேவை மையங்களின் தகவல்களை ‘முகவா்’ என்ற கைப்பேசி செயலியைப் பயன்படுத்தி தெரிந்து கொள்ளலாம். அல்லது இணைய தளத்தில் தெரிந்து கொள்ளலாம். எனவே, இ-சேவை மையம் தொடங்க விருப்பமுள்ளவா்கள் மேற்கண்ட முறையில் விண்ணப்பித்து பயன்பெற வேண்டுமென அதில் கேட்டுக்கொள்ளப்பட்டது.