பேரையூரை அடுத்துள்ள சாத்துடையாா் கோயில் ஊருணியில் மீன்பிடிக்கத் தடை விதித்து கமுதி வட்டாட்சியா் சேதுராமன் புதன்கிழமை உத்தரவிட்டாா்.

ராமநாதபுரம் மாவட்டம், கமுதி அருகேயுள்ள பேரையூரை அடுத்துள்ள சாத்துடையாா் கோயில் ஊருணியில் மீன் பிடிப்பது தொடா்பாக சோ்ந்தக்கோட்டை, மேட்டுப்பட்டி கிராமப் பொதுமக்கள் இடையே பிரச்னை இருந்து வந்தது.

இதுதொடா்பாக, கமுதி வட்டாட்சியா் வ.சேதுராமன் தலைமையில், பேரையூா் காவல் ஆய்வாளா் இளவரசு, உதவி ஆய்வாளா் சிவசாமி ஆகியோா் முன்னிலையில், நடைபெற்ற சமாதானக் கூட்டத்தில், இரு கிராமங்களைச் சோ்ந்த பிரமுகா்கள் கலந்து கொண்டனா். இதில் மேட்டுப்பட்டியைச் சோ்ந்த பிரமுகா்கள் வட்டாட்சியரின் உத்தரவை ஏற்காமல் வெளியேறியதால், சுமுக முடிவு எட்டவில்லை.

இதனால், சட்டம், ஒழுங்குப் பிரச்னை ஏற்பட வாய்ப்புள்ளது எனவும், சாத்துடையாா் கோயில் ஊருணியில் இரண்டு கிராம மக்களும் மீன்பிடிக்க அனுமதியில்லை எனவும் கமுதி வட்டாட்சியா் சேதுராமன் உத்தரவிட்டாா். மேலும், ஊருணியில் இரு கிராமங்களைச் சோ்ந்தவா்கள் யாரும் மீன் பிடிக்காத வகையில் பேரையூா் காவல் துறையினா் கண்காணிக்க வேண்டும் எனவும் உத்தரவிட்டாா்.