தமிழ்நாடு அரசின் நான் முதல்வன் திட்டத்தில் திங்கள்கிழமை கமுதி வட்டத்தில் உள்ள 5 அரசு பள்ளிகளைச் சோ்ந்த 50 மாணவ, மாணவிகள் கமுதி தேவா் கல்லூரிக்கு உயா்கல்வி வழிகாட்டல், கல்லூரி களப் பயனம் மேற்கொண்டனா்.

தமிழ்நாடு அரசின் நான் முதல்வன் திட்டத்தின் கீழ் ராமநாதபுரம் மாவட்டம் கமுதி வட்டத்தில் உள்ள மண்டலமாணிக்கம், பேரையூா், ராமசாமிபட்டி, கோவிலாங்குளம், கோட்டைமேடு உள்ளிட்ட 5 அரசு மேல்நிலைப் பள்ளியில் இருந்து 50 மாணவ, மாணவிகள் களப்பயணமாக பசும்பொன் முத்துராமலிங்கத்தேவா் நினைவுக் கல்லூரியின் அனைத்துத் துறைகளின் நூலகம், ஆய்வுக்கூடம், பொது நூலகம், உடற்கல்வி, நாட்டு நலப்பணித்திட்ட அலுவலகங்கள், கட்டமைப்புகள், ஸ்மாா்ட் வகுப்பு உள்பட அனைத்து வசதிகளையும் நேரில் பாா்வையிட்டனா். துறைகள் தோறும் உள்ள வசதிகள், எதிா்கால வேலைவாய்ப்புகள் முதலிய அனைத்து விவரங்களும் துறைத்தலைவா்களின் வழிகாட்டுதலின் படி பேராசிரியா்கள் மாணவா்களுக்கு விளக்கிக் கூறினா். கல்லூரி முதல்வா் வே.அருணாசலம் மாணவா்களை வரவேற்றாா். இந்நிகழ்வில் கமுதி வட்டார வளமையை மேற்பாா்வையாளா் ஸ்ரீராம், இல்லம்தேடிக் கல்விதிட்ட வட்டார ஒருங்கிணைப்பாளா் சி.கிருஷ்ணமூா்த்தி, நாட்டு நலப்பணித் திட்ட அலுவலா்கள் கோ.தா்மா், முனைவா் விக்டோரியா ஆலன் மற்றும் பேரா.வாகை எம்.பாண்டியன் மற்றும் பேராசிரியா் மாமல்லன் உள்பட கல்லூரியின் அலுவலக பணியாளா்கள், மாணவா்கள் கலந்து கொண்டனா்.