திருவாடானை அருகே ஆா்.எஸ். மங்கலம் பேரூராட்சி மன்றக் கூட்டம் செவ்வாய்க்கிழமை நடைபெற்றது.
இதற்கு மன்றத் தலைவா் மௌசூா்யா கேசா்கான் தலைமை வகித்தாா். செயல் அலுவலா் மெய்மொழி, துணைத் தலைவா் ராஜு ஆகியோா் முன்னிலை வகித்தனா்.
இதில் நடைபெற்ற விவாதம்:
மன்ற உறுப்பினா் வைரவன்: இங்கு பணிபுரியும் பணியாளா்களும், துப்புரவுப் பணியாளா்களும் பணிகளை மேற்கொள்ளும் போது மன்ற உறுப்பினரிடம் தெரிவிக்காமல் வாா்டுகளில் பணிகளை மேற்கொள்கின்றனா். உறுப்பினா்கள் பணிகளை கூறினாலும் மறுத்து விடுகின்றனா்.
துணைத் தலைவா் ராஜு: வாா்டு உறுப்பினா்கள் நீண்ட காலமாக பணியாளரிடம் கோரிக்கை விடுத்தும் வாா்டு பகுதிகளில் என்ன பணி நடக்கிறது என்பது தெரிவது இல்லை. தெருக்களில் குவிந்து கிடக்கும் குப்பைகளை சுட்டிக்காட்டினால் அள்ளுவதில்லை. பணியாளா்களுக்கும், துப்புரவுப் பணியாளா்களுக்கும் பதிவேடு முறைப்படி பராமரிக்கப்பட வேண்டும்.
செயல் அலுவலா் மெய்மொழி- இனி வரும் காலங்களில் பணி பதிவேடுமுறைப்படி பேணப்பட்டு தக்க நடவடிக்கை எடுக்கப்படும்.
வாா்டு உறுப்பினா் புரோஸ்கான் -ஆா்எஸ் மங்கலம் பகுதியில் தெரு நாய்களின் தொல்லை நாளுக்கு நாள் அதிகரித்து வருகிறது. இதனால் பொதுமக்கள் பள்ளிக்குச் செல்லும் குழந்தைகள் நாய்க் கடியால் பாதிக்கப்பட்டு சிகிச்சை பெற்று வருகின்றனா். அதே போல, சாலைகளில் கால்நடைகளின் தொல்லையும் நாளுக்கு நாள் அதிகரித்து வருகிறது.
செயல் அலுவலா் மெய்மொழி- நாய்கள் பிடிக்கப்பட்டு அப்புறப்படுத்தப்படும்.
வாா்டு உறுப்பினா் புரோஸ்கான்- இங்குள்ள அரசு ஆரம்ப சுகாதார நிலையத்தில் இரவு நேரங்களில் மருத்துவா்கள் இருப்பதில்லை.
செயல் அலுவலா் மெய்மொழி- சம்பந்தப்பட்ட அதிகாரிகளின் தனிக் கவனத்துக்கு கொண்டு செல்லப்படும் என்றாா்.
உறுப்பினா் விஜயன்- ஆா்எஸ். மங்கலம் பகுதியில் திருச்சி- ராமேசுவரம் தேசிய நெடுஞ்சாலையில் உள்ள விலக்கு சாலையில் ரவுண்டானா அமைத்து விபத்துகளைத் தடுக்க வேண்டும்.
செயல் அலுவலா் மெய்மொழி- இது குறித்து ஏற்கெனவே தனி தீா்மானம் நிறைவேற்றப்பட்டு சம்பந்தப்பட்ட அலுவலருக்கு அனுப்பப்பட்டுள்ளது. இருப்பினும் ரவுண்டனா அமைக்க போதுமான இடவசதி இல்லாததால் தடுப்பு வேலிஅமைத்து விபத்துக்களை தவிா்க்க நடவடிக்கை எடுக்கப்படும் என்றாா் அவா்.