ராமநாதபுரத்தில் வருகிற 9-ஆம் தேதி புத்தகக் கண்காட்சி தொடங்குகிறது. இதையொட்டி, அரங்கம் அமையவுள்ள இடத்தில் மேற்கொள்ளப்பட்டு வரும் பணிகளை மாவட்ட ஆட்சியா் ஜானிடாம் வா்கீஸ் புதன்கிழமை ஆய்வு செய்தாா்.

ராமநாதபுரத்தில் ராஜா பள்ளி மைதானத்தில் முகவை சங்கமம் என்ற 5-ஆவது புத்தகக் கண்காட்சி வருகிற 9-ஆம் தேதி தொடங்கி பிப். 19-ஆம் தேதி வரை நடைபெறுகிறது. இதில் 120 அரங்குகள் அமைக்கப்பட்டு 5 லட்சம் புத்தகங்கள் கண்காட்சி, விற்பனைக்கு வைக்கப்பட உள்ளது.

இந்த நிலையில், புத்ததத் திருவிழா நடைபெறும் ராஜா பள்ளி மைதானத்தில் மேற்கொள்ளப்பட்டு வரும் பணிகளை மாவட்ட ஆட்சியா் ஜானிடாம் வா்கீஸ் புதன்கிழமை ஆய்வு செய்தாா்.

இதில் ஆட்சியரின் நோ்முக உதவியாளா் ஷேக் மன்சூா், வட்டாரப் போக்குவரத்து அலுவலா் ஷேக் முகமது, காவல் துணைக் கண்காணிப்பாளா் ராஜா, பொதுப் பணித் துறை பொறியாளா் குருதிவேல் மாறன், அரசு அலுவலா்கள் கலந்து கொண்டனா்.