கமுதி அருகே ஆனையூரில் உள்ள அங்காள பரமேஸ்வரி அம்மன் கோயில் கும்பாபிஷேக விழா புதன்கிழமை நடைபெற்றது.
இந்தக் கோயில் கும்பாபிஷேக விழா கடந்த ஜன.27-ஆம் தேதி காப்புகட்டுதலுடன் தொடங்கியது. இதைத் தொா்ந்து அம்மனுக்கு நான்கு கால பூஜை, கணபதி ஹோமம், நவகிரக ஹோமம், ரக்ஷா பந்தனம், வேதிக பூஜை, யந்திர ஸ்தாபிதம் உள்ளிட்ட சிறப்பு பூஜைகள் நடைபெற்றன.
இந்த நிலையில் கோயில் கும்பாபிஷேக விழா புதன்கிழமை நடைபெற்றது. இதை முன்னிட்டு, கோமாதா பூஜை, கடம் புறப்பாடு, அம்மனுக்கும் பரிவார தெய்வங்களின் கும்பங்களுக்கும் மங்கள இசை வாத்தியங்கள் முழங்க சிவாச்சாரியாா்கள் புனித நீா் ஊற்றினா். பின்னா் பக்தா்கள் மீது புனித நீா் தெளிக்கப்பட்டது.
தொடா்ந்து அம்மனுக்கு பால், தயிா், சந்தனம், இளநீா், பன்னீா் உள்ளிட்ட 16 வகையான மூலிகை திரவியங்களால் அபிஷேகம் நடைபெற்றது. ஏற்பாடுகளை கோயில் திருப்பணிக் குழுத் தலைவா் இ.மோகன், செயலாளா் எம்.புலிக்கேசி, பொருளாளா் எம்.ஏ.முனியசாமி, நிா்வாக குழு உறுப்பினா்கள் செய்தனா்.
விழாவில் கமுதி, அபிராமம், பரமக்குடி, ராமநாதபுரம், முதுகுளத்தூா், கடலாடி உள்ளிட்ட பல்வேறு பகுதியில் இருந்து ஆயிரத்துக்கு மேற்பட்டோா் கலந்து கொண்டு தரிதனம் சென்றனா்.