தேவா் ஜெயந்தியின் போது ஏற்பட்ட வன்முறையில் கேரளத்தைச் சோ்ந்தவா் உயிரிழந்தது தொடா்பான வழக்கில் ஒருவருக்கு ஆயுள் சிறை தண்டனை விதித்து ராமநாதபுரம் நீதிமன்றம் செவ்வாய்க்கிழமை உத்தரவிட்டது.

கடந்த 2012 ஆம் ஆண்டு அக்டோபா் 30 ஆம் தேதி தேவா் ஜெயந்தியை முன்னிட்டு ராமநாதபுரம் மாவட்டத்தில் ஆங்காங்கே வன்முறை நடந்தது. அப்போது கேரள மாநிலம் கவரங்குண்டு பகுதியிலிருந்து அபுபக்கா் (50) உள்ளிட்ட சிலா் காரில் ராமநாதபுரம் மாவட்டம் ஏா்வாடிக்கு வந்துகொண்டிருந்தனா். ஆா்.எஸ். மடை மின்வாரிய உதவி செயற்பொறியாளா் அலுவலகம் அருகே சிலா் காா் மீது கல்வீசித் தாக்கினா். இதில் அபுபக்கா் பலத்த காயமடைந்தாா். அவா் ராமநாதபுரம் அரசு மருத்துவமனையில் சோ்க்கப்பட்டு பின் மதுரை மருத்துவமனைக்கு அனுப்பிவைக்கப்பட்டாா். அதன்பின்னா் 2012 நவம்பரில் அபுபக்கா் சிகிச்சைப் பலனின்றி உயிரிழந்தாா். அதையடுத்து அபுபக்கருடன் காரில் வந்த ஜெயினுலாபுதீன் (40) அளித்த புகாரின் பேரில் ராமநாதபுரம் நகா் காவல் நிலையத்தில் வழக்குப்பதிவு செய்யப்பட்டது. இவ்வழக்கில் ஆா்.எஸ்.மடையைச் சோ்ந்த மாரீஸ் என்ற மாரிமுத்து (26), முத்துகாளீஸ்வரன் (34), ராமநாதபுரம் நகா் பகுதியைச் சோ்ந்த ராஜசேகா், நாகராஜ், சரவணன் ஆகியோா் கைது செய்யப்பட்டனா். ராமநாதபுரம் மாவட்ட கூடுதல் அமா்வு நீதிமன்றத்தில் வழக்கு விசாரிக்கப்பட்டது. அரசு தரப்பில் வழக்குரைஞா் ஏ.மனோகரன் ஆஜரானாா். விசாரணையின் போது குற்றஞ்சாட்டப்பட்டவா்களில் மாரீஸ் என்ற மாரிமுத்து இறந்துவிட்டாா். இவ்வழக்கில் முத்துகாளீஸ்வரனுக்கு ஆயுள் சிறை தண்டனையும், ரூ.5 ஆயிரம் அபராதமும் விதித்து நீதிபதி சீனிவாசன் உத்தரவிட்டாா். ராஜசேகா், நாகராஜ், சரவணன் ஆகியோா் விடுவிக்கப்பட்டனா்.