ராமநாதபுரம் மாவட்ட வேலைவாய்ப்பு மற்றும் தொழில்நெறி வழிகாட்டு மையத்தை மத்திய, மாநில பணிக்கான பயிற்சியில் ஈடுபடும் இளைஞா்கள் பயன்படுத்திக் கொள்ள வேண்டும் என மாவட்ட ஆட்சியா் ஜானிடாம் வா்கீஸ் தெரிவித்துள்ளாா்.

இதுகுறித்து, சனிக்கிழமை அவா் வெளியிட்டுள்ள செய்திக் குறிப்பு: மாநில அரசுப் பணிகளுக்கான போட்டித்தோ்வுகள் மற்றும் மத்திய அரசுப் பணிகளுக்கான போட்டித் தோ்வுகளுக்கு விண்ணப்பித்து தயாராகிவரும் இளைஞா்களுக்காக ராமநாதபுரம் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் தன்னாா்வ பயிலும் வட்டம் என்ற அமைப்பு செயல்பட்டு வருகிறது. இதில், பல்வேறு போட்டித் தோ்வுகளுக்கான நூல்கள், மாதாந்திர இதழ்கள் மற்றும் நாளிதழ்கள் அடங்கிய நூலகம் செயல்பட்டு வருகிறது. இத்தன்னாா்வ பயிலும் வட்டம் மூலமாக போட்டித் தோ்வுகளுக்கான இலவசப் பயிற்சி வகுப்புகள் தொடா்ந்து நடத்தப்பட்டு வருகின்றன. இந்த பயிற்சி வகுப்பில் கலந்து கொண்ட பலா் போட்டித் தோ்வில் வெற்றி பெற்று அரசுப் பணியில் பல்வேறு நிலைகளில் பணியாற்றி வருகின்றனா்.

இந்நிலையில், வரும் நவம்பா் 19 ஆம் தேதி நடைபெறவுள்ள தமிழ்நாடு அரசுப் பணியாளா் தோ்வாணைய ஒருங்கிணைந்த குடிமைப் பணிகள் தோ்வு மற்றும் நவம்பா் 27 ஆம் தேதி நடைபெறவுள்ள தமிழ்நாடு சீருடைப் பணியாளா் தோ்வு வாரிய இரண்டாம் நிலைக் காவலா் (ஆயுதப்படை மற்றும் தமிழ்நாடு சிறப்புக் காவல்படை), இரண்டாம் நிலை சிறைக் காவலா் மற்றும் தீயணைப்பாளா் தோ்வுகளுக்கான இலவச நேரடி பயிற்சி வகுப்புகள் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் தற்போது நடைபெற்று வருகிறது. மேலும், மாதிரி தோ்வுகளும் தொடா்ந்து நடத்தப்படவுள்ளன. இந்த இலவசப் பயிற்சி வகுப்பில் பங்கேற்க ஆா்வமும், விருப்பமும் உள்ள போட்டித் தோ்வுக்கு தயாராகும் இளைஞா்கள் தங்களது புகைப்படம் மற்றும் தோ்வுக்கு விண்ணப்பித்த விவரங்களுடன் சென்று கலந்து கொள்ளலாம்.

இப்பயிற்சி தொடா்பாக ராமநாதபுரம் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தை நேரிலோ அல்லது 9487375737 என்ற கைப்பேசி எண்ணிலோ தொடா்பு கொண்டு பதிவு செய்து இப்பயிற்சி வகுப்பில் பங்கேற்று பயனடையலாம் எனத் தெரிவித்துள்ளாா்.