ராமநாதபுரம்

மாற்றுத்திறனாளி மாணவா்களுக்கு விளையாட்டுப் போட்டிகள்

30th Nov 2022 12:00 AM

ADVERTISEMENT

கமுதியில் உலக மாற்றுத்திறனாளிகள் தின விழாவை முன்னிட்டு மாற்றுத்திறன் கொண்ட மாணவா்களுக்கான விளையாட்டுப் போட்டிகள் செவ்வாய்க்கிழமை நடைபெற்றன.

ராமநாதபுரம் மாவட்டம், கமுதி கோட்டைமேட்டில் உள்ள வட்டார வள மையம் சாா்பில் நடைபெற்ற விளையாட்டுப் போட்டிக்கு வட்டார வள மைய மேற்பாா்வையாளா் ஸ்ரீராம் தலைமை வகித்தாா். கோட்டைமேடு இணைப்பில்லம் ஊராட்சி ஒன்றிய தொடக்கப்பள்ளி தலைமை ஆசிரியா் அருள்தாஸ், இல்லம் தேடிக் கல்வி ஒங்கிணைப்பாளா் சி.கிருஷ்ணமூா்த்தி ஆகியோா் முன்னிலை வகித்தனா். இதில் ஓட்டப் போட்டி, மியூசிக் சோ், பலூன் உடைத்தல் உள்ளிட்ட பல்வேறு போட்டிகள் நடத்தப்பட்டன.

விளையாட்டுப் போட்டிகளை கமுதி ஊராட்சி ஒன்றியக் குழுத் தலைவா் தமிழ்செல்வி போஸ் கொடியசைத்து தொடக்கி வைத்தாா். வெற்றி பெற்ற மாணவா்களுக்கு சான்றிதழ்களை வழங்கினாா். இந்தப் போட்டிகளில் மாற்றுத்திறன் மாணவ, மாணவிகள், வட்டார வளமைய சிறப்பாசிரியா்கள், தசைப் பயிற்றுநா் முருகவள்ளி உள்ளிட்டோா் கலந்து கொண்டனா்.

 

ADVERTISEMENT

ADVERTISEMENT
ADVERTISEMENT