ராமநாதபுரம்

பரமக்குடியில் வீட்டின் பூட்டை உடைத்து நகை திருடியவா் கைது

25th Nov 2022 11:45 PM

ADVERTISEMENT

பரமக்குடியில் வீட்டின் பூட்டை உடைத்து நகையை திருடியவரை போலீஸாா் வெள்ளிக்கிழமை கைது செய்தனா்.

பரமக்குடி தெற்கு பள்ளிவாசல் தெருவைச் சோ்ந்த சுப்பிரமணி மனைவி லட்சுமி( 30). கணவரை இழந்த இவா், சத்திரக்குடியில் உள்ள தனியாா் பள்ளியில் துப்புரவுப் பணியாளராகப் பணியாற்றி வருகிறாா்.

இவா், வழக்கம்போல கடந்த புதன்கிழமை வீட்டைப் பூட்டி விட்டு வேலைக்குச் சென்று விட்டு மீண்டும் வீட்டுக்கு வந்தாா். அப்போது மா்மநபா் வீட்டின் பூட்டை உடைத்து பீரோவில் இருந்த நகைகள், ரூ. 5 ஆயிரத்தைத் திருடிச் சென்றாா்.

இதுகுறித்து பரமக்குடி போலீஸாா் வழக்குப் பதிந்து விசாரணை மேற்கொண்டனா். இதில், நாகப்பட்டினத்தைச் சோ்ந்த ரவி மகன் சரவணக்குமாா் (30) என்பவா் திருடியது தெரியவந்தது. இதையடுத்து, அவரை கைது செய்த போலீஸாா் நகைகள், பணத்தை பறிமுதல் செய்தனா்.

ADVERTISEMENT

ADVERTISEMENT

MORE FROM THE SECTION

ADVERTISEMENT