ராமநாதபுரம்

பரமக்குடி அருகே எரிவாயு கசிவால் தீப்பற்றி பெண் பலி

29th Mar 2022 10:59 PM

ADVERTISEMENT

 

பரமக்குடி: பரமக்குடி அருகே சமையல் எரிவாயு கசிவால் தீப்பற்றியதில் பெண் செவ்வாய்க்கிழமை உயிரிழந்தாா்.

பரமக்குடி அருகே உள்ள கீழம்பல் கிராமத்தைச் சோ்ந்த முத்துச்சாமி என்பவா் மனைவி மலா்(47). இவா் கடந்த மாா்ச் 26 ஆம் தேதி காலை 6 மணிக்கு டீ போடுவதற்காக சமையலறைக்குச் சென்றுள்ளாா். அங்கு சமையல் எரிவாயு கசிந்து பரவியிருப்பதைக் கவனிக்காமல், அடுப்பை பற்றவைக்க லைட்டரை எரியூட்டியுள்ளாா். அப்போது அவரது உடல் முழுவதும் தீப்பற்றியது. இதில் பலத்த தீக்காயங்களுடன் பரமக்குடி அரசு மருத்துவமனையில் அனுமதிக்கப்பட்டு, மேல்சிகிச்சைக்காக ராமநாதபுரம் அரசு மருத்துவமனைக்கு கொண்டு சென்றுள்ளனா். அங்கு சிகிச்சை பலனின்றி செவ்வாய்க்கிழமை உயிரிழந்தாா்.

இதுகுறித்து சத்திரக்குடி காவல் நிலையத்தில் அவரது மகள் காயத்ரி அளித்த புகாரின் பேரில் போலீஸாா் வழக்குப் பதிந்து விசாரித்து வருகின்றனா்.

ADVERTISEMENT

ADVERTISEMENT
ADVERTISEMENT