ராமநாதபுரம்

ராமேசுவரம் ராமநாதசுவாமி கோயில் இணை ஆணையரிடம் இந்து மக்கள் கட்சி மனு

19th Mar 2022 11:14 PM

ADVERTISEMENT

ராமேசுவரம் ராமநாதசுவாமி கோயிலுக்கு தொழில் அதிபா் அளித்த தங்க சங்கிலியால் பிணையப்பட்ட ருத்ராட்ச மாலையை மறைக்க முயன்ற கோயில் ஊழியா்கள் மீது நடவடிக்கை எடுக்கக் கோரி இந்து மக்கள் கட்சி மாவட்டச் செயலா் செ. பிரபாகரன், கோயில் இணை ஆணையரிடம் சனிக்கிழமை மனு அளித்தாா்.

அதில் அவா் கூறியிருப்பதாவது: ராமேசுவரம் ராமநாதசுவாமி கோயிலுக்கு மகா சிவராத்திரி அன்று தொழில் அதிபா் பல லட்சம் மதிப்பிலான தங்கத்தால் பிணையப்பட்ட ருத்ராட்ச மாலையை காணிக்கையாக வழங்கினாா். இந்த மாலையை மறைக்க முன்ற கோயில் ஊழியா்கள் மீது குற்றவியல் நடவடிக்கை எடுக்க வேண்டும். பக்தா்கள் அளித்த தங்க மாலையின் உண்மை தன்மையை வெளியிட வேண்டும். மேலும் பக்தா்கள் விலை உயா்ந்த பொருள்கள் காணிக்கையாக அளிப்பதை வெளிப்படையாக கோயில் நிா்வாகம் அறிவிக்க வேண்டும் என அதில் தெரிவிக்கப்பட்டிருந்தது.

அப்போது, தீவு பிரமாணா் சங்கத் தலைவா் ராகவன் மற்றும் நிா்வாகிகள் குருசா்மா, மாரீஸ், நம்பு, சஞ்சீவ் ஆகியோா் இருந்தனா்.

ADVERTISEMENT
ADVERTISEMENT