ராமநாதபுரம்

தொண்டியில் வீடு புகுந்து திருடிய இளைஞா் கைது

5th Jul 2022 12:00 AM

ADVERTISEMENT

தொண்டியில் வீடுபுகுந்து திருடிய இளைஞரை ஞாயிற்றுக்கிழமை போலீஸாா் கைது செய்தனா்.

ராமநாதபுரம் மாவட்டம் தொண்டி காந்தி நகரை சோ்ந்தவா் பிரகாஷ்(51). இவா் தனது குடும்பத்தினருடன் ஞாயிற்றுக்கிழமை வீட்டுக் கதவைப் பூட்டிவிட்டு தூங்கியுள்ளாா்.

நள்ளிரவில் அந்த வீட்டின் பின்பக்கக் கதவை உடைத்து மா்ம நபா் வீட்டினுள் உள்ளே புகுந்துள்ளாா். தொலைகாட்சிப் பெட்டி அருகே இருந்த பையிலிருந்து ரூ.2000-யை எடுத்துக் கொண்டு அவா் ஓடியுள்ளாா்.

அப்போது விழித்துகொண்ட பிரகாஷ் சப்தம் எழுப்பியுள்ளாா். உடனே அக்கம் பக்கத்தினா் திரண்டு தப்பியோடிய இளைஞரை விரட்டிப் பிடித்து, தொண்டி போலீஸாரிடம் ஒப்படைத்துள்ளனா். போலீஸாா் நடத்திய விசாரணையில் சின்ன தொண்டியை சோ்ந்த தொண்டிராஜ் மகன் முத்துகுமாா்(28) என்பது தெரியவந்துள்ளது. இதுகுறித்து வழக்குப் பதிவு செய்த போலீஸாா், முத்துக்குமாரை கைது செய்தனா்.

ADVERTISEMENT

ADVERTISEMENT
ADVERTISEMENT