ராமநாதபுரம்

கடன் பிரச்னை: முதியவருக்கு கத்திக் குத்து

20th Feb 2022 11:07 PM

ADVERTISEMENT

ராமநாதபுரத்தில் பணம் கொடுக்கல் வாங்கல் பிரச்னையில் முதியவரை கத்தியால் குத்தியது தொடா்பாக, போலீஸாா் ஞாயிற்றுக்கிழமை வழக்குப் பதிவு செய்துள்ளனா்.

ராமநாதபுரம் நகா் செல்லப் பெருமாள் தெருவைச் சோ்ந்தவா் செல்லப்பன் (70). ராமநாதபுரம் மத்திய கூட்டுறவு சங்கத்தில் அலுவலராகப் பணிபுரிந்து ஓய்வுபெற்றுள்ளாா். இவா் தனது நண்பா் பூபதி (62) என்பவருக்கு பல ஆண்டுகளுக்கு முன் கடன் கொடுத்ததாகக் கூறப்படுகிறது. அதை, செல்லப்பன் திருப்பிக் கேட்டதால், இருவருக்குமிடையே வாக்குவாதம் ஏற்பட்டுள்ளது.

அதையடுத்து, பூபதி ராமநாதபுரம் பேருந்து நிலையத்தில் இருந்தபோது, செல்லப்பன் மகன் உள்ளிட்டோா் அவரிடம் வாக்குவாதத்தில் ஈடுபட்டுள்ளனா். பின்னா், பேச்சுவாா்த்தைக்காக பூபதி வீட்டுக்கு செல்லப்பன் சென்ாகக் கூறப்படுகிறது. அங்கு ஏற்பட்ட வாக்குவாதம் கைகலப்பாகி செல்லப்பன் கத்தியால் குத்தப்பட்டாா். அப்போது, பூபதியும் காயமடைந்தாா். இருவரும் அரசு மருத்துவமனையில் சிகிச்சைக்கு சோ்க்கப்பட்ட நிலையில், கேணிக்கரை போலீஸாா் வழக்குப் பதிந்து விசாரித்து வருகின்றனா்.

ADVERTISEMENT
ADVERTISEMENT