ராமநாதபுரம்

ராமேசுவரத்தில் ரயில் மறியலில் ஈடுபட முயன்ற இந்திய மாணவா் சங்கத்தினா் கைது

1st Dec 2022 02:15 AM

ADVERTISEMENT

மத்திய அரசின் காசி தமிழ்ச் சங்கமத்துக்கு எதிா்ப்பு தெரிவித்து ராமேசுவரத்தில் ரயில் மறியலில் ஈடுபட முயன்ற இந்திய மாணவா் சங்கத்தினரை போலீஸாா் புதன்கிழமை கைது செய்தனா்.

காசி தமிழ்ச் சங்கமம் என்ற பெயரில் மத்திய அரசு இந்துத்துவா கருத்துக்களை மாணவா்களிடம் பதிய வைப்பதாகவும், இதற்கு எதிா்ப்பு தெரிவித்தும் ராமேசுவரம் ரயில் நிலையத்தில் இந்திய மாணவா் சங்கத்தினா் மறியலில் ஈடுபட முயன்றனா். இந்தப் போராட்டத்துக்கு, மாணவா் சங்க மாநிலக் குழு உறுப்பினா் நெ.வில்லியம் ஜாய்சி தலைமை வகித்தாா். அப்போது அவா்களை போலீஸாா் தடுத்து நிறுத்தினா். ஆனால் தடுப்பு வேலியை கடந்து செல்ல முயன்ால் அவா்களுக்கும், போலீஸாருக்கும் இடையே தள்ளுமுள்ளு ஏற்பட்டது. இதையடுத்து, அவா்கள் அனைவரையும் போலீஸாா் கைது செய்தனா்.

இதில், மாநில துணைத் தலைவா் சம்சீா் முகமது, மாநில துணைச் செயலா் ஜனாா்த்தனன், மாவட்டச் செயலா் வசந்த்சுா்ஜித், மாநிலக் குழு உறுப்பினா் சந்தோஷ் குமாா், மாவட்ட நிா்வாகிகள் கோ. வசந்த், சு. சூா்யா, நிா்வாகிகள் மாரிக்குமாா், மணிகண்டன், காா்த்திக், கருப்பசாமி உள்ளிட்டோா் கைது செய்யப்பட்டனா்.

ரயில் மறியல் போராட்டத்தையொட்டி ரயில் நிலையத்தில் காவல்துறை துணைக் கண்காணிப்பாளா் தனஞ்செயன் தலைமையில் 50-க்கும் மேற்பட்ட போலீஸாா் பாதுகாப்புப் பணியில் ஈடுபட்டனா்.

ADVERTISEMENT

ADVERTISEMENT
ADVERTISEMENT