ராமநாதபுரம் அருகே சமையல் கலை கல்லூரி மாணவா் தூக்கிட்டுத் தற்கொலை செய்துகொண்டது குறித்து போலீஸாா் வியாழக்கிழமை வழக்குப் பதிவு செய்தனா்.

ராமநாதபுரம் மாவட்டம் தேவிபட்டினம் அருகே சம்பை மேட்டுக்கொல்லை பகுதியைச் சோ்ந்தவா் முனியசாமி மகன் ஹரி (18). கடந்த ஆண்டு பிளஸ் 2 முடித்த அவரை, மதுரையில் உள்ள தனியாா் சமையல் கலை கல்லூரியில் பெற்றோா் சோ்த்துள்ளனா். அந்தக் கல்லூரியில் பயில தனக்கு விருப்பம் இல்லை என மாணவா் கூறிவந்துள்ளாா்.

இந்தநிலையில், கடந்த வியாழக்கிழமை காலை ஹரியின் அறைக்கதவு வெகுநேரமாகியும் திறக்கப்படாததால் உள்ளே சென்று பெற்றோா் பாா்த்தபோது அங்கு அவா் தூக்கிட்டுத் தற்கொலை செய்து கொண்டது தெரியவந்தது.

இதுகுறித்து தேவிபட்டினம் போலீஸாா் வழக்குப் பதிந்து விசாரணை நடத்தி வருகின்றனா்.