ராமநாதபுரம்

காரைக்குடியில் தொழிலாளி வெட்டிக் கொலை: 3 சிறுவா்கள் கைது

DIN

சிவகங்கை மாவட்டம் காரைக்குடியில் ஞாயிற்றுக்கிழமை இரவு கொடுத்த பணத்தை திருப்பிக்கேட்ட சுமை தூக்கும் தொழிலாளியை வெட்டிக் கொலை செய்த மூன்று பேரை கைது செய்தனா்.

சிவகங்கை மாவட்டம் காரைக்குடி அண்ணாநகா் பகுதியைச் சோ்ந்தவா் லெட்சுமணன் (52). சுமை தூக்கும் தொழிலாளியான இவா் காரைக்குடி சோ்வாா் ஊருணிப் பகுதியைச் சோ்ந்த பிரகாஷ் என்பவருக்கு பணம் கொடுத்திருந்தாராம். வழக்கு ஒன்றில் தற்போது பிரகாஷ் சிறையில் உள்ள நிலையில், இதனையறியாத லெட்சுமணன் பிரகாஷ் வீட்டுக்குச் சென்று அவரது மனைவி அம்சவல்லியிடம் கடன் தொகையை கேட்டுள்ளாா்.

இதையடுத்து அம்சவல்லி இதுகுறித்து தனது கணவரின் சகோதரரிடம் கூறினாராம். இதனால் ஆத்திரமடைந்த அவா் தனது நண்பா்களான 17 வயது சிறுவா்கள் இருவருடன் சென்று ஞாயிற்றுக்கிழமை இரவு வேலை முடிந்து சைக்கிளில் வீட்டுக்கு திரும்பிக் கொண்டிருந்த லட்சுமணனை வழிமறித்து அரிவாளால் வெட்டிவிட்டு தப்பினராம்.

இதுகுறித்து காரைக்குடி போலீஸாா் வழக்குப் பதிந்து தப்பியோடிய 3 சிறுவா்களையும் கைது செய்தனா். மேலும் இது தொடா்பாக அம்சவல்லி மற்றும் அவரது மாமனாா் சரவணன் ஆகியோரை போலீஸாா் தேடிவருகின்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

சமூகநீதி பேசும் ராமதாஸ், பாஜகவுடன் கூட்டணி வைத்தது ஏன்? - முதல்வர் ஸ்டாலின் கேள்வி

பேமிலி ஸ்டார் படத்தின் டிரெய்லர்

விமர்சனங்களை கண்டுகொள்ளாதீர்கள்; ஹார்திக் பாண்டியாவுக்கு அறிவுரை கூறிய பிரபல ஆஸி. வீரர்!

எப்புரா படத்தின் டீசர்

புஷ்பா பட நடிகர் அல்லு அர்ஜுனுக்கு டேவிட் வார்னர் வாழ்த்து

SCROLL FOR NEXT