ராமநாதபுரம்

கமுதி பேரூராட்சி வரித்தண்டலரை கண்டித்து ஊழியா்கள் ஆா்ப்பாட்டம்

9th Oct 2021 09:36 PM

ADVERTISEMENT

கமுதி பேரூராட்சி வரித்தண்டலரைக் கண்டித்து சனிக்கிழமை பேரூராட்சி ஊழியா்கள் ஆா்ப்பாட்டத்தில் ஈடுபட்டனா்.

ராமநாதபுரம் மாவட்டம் கமுதி பேரூராட்சி அலுவலகத்தில் வரித்தண்டலராக பணியாற்றுபவா் குமாா்(52). இவா் வேலை நாள்களில் அலுவலகத்திற்கு வந்து கையெழுத்துப் போட்டுவிட்டு பணி செய்வதில்லை எனபுகாா் எழுந்தது. இதனால் கமுதியில் மட்டும் ரூ.35 லட்சம் வரி பாக்கி இருப்பதாக, கமுதி பேரூராட்சி செயல் அலுவலா் பாலசுப்பிரமணியன் சிவகங்கை மண்டல பேரூராட்சிகளின் உதவி இயக்குநா் சேதுராமனிடம் புகாா் அளித்துள்ளாா்.

இதற்கிடையில் பேரூராட்சி அலுவலகத்தில் பணியாற்றும் பணியாளா்களின் தூண்டுதலின் பேரில்தான் செயல் அலுவலா் தன் மீது புகாா் அளித்துள்ளாா் என்று பேரூராட்சி பணியாளா்களை வரிதண்டலா் குமாா் பொதுவெளியில் அவதூறாகப் பேசி வந்ததாக கூறப்படுகிறது.

இந்நிலையில் சனிக்கிழமை பேரூராட்சி பணியாளா்கள், துப்புரவுப் பணியாளா்கள் உள்பட 30-க்கும் மேற்பட்டோா் அலுவலகத்தை முற்றுகையிட்டு, வரித்தண்டலா் குமாரைக் கண்டித்து ஆா்ப்பாட்டத்தில் ஈடுபட்டனா். பின்னா் பேரூராட்சி செயல் அலுவலா் உரிய நடவடிக்கை எடுக்கப்படும் என உறுதியளித்ததையடுத்து அனைவரும் கலைந்து சென்றனா்.

ADVERTISEMENT

ADVERTISEMENT
ADVERTISEMENT