ராமநாதபுரம் மாவட்டத்தில் கடந்த ஒரு வாரத்தில் 1.75 லட்சம் வீடுகளில் நடத்திய பரிசோதனை அடிப்படையில், 1,370 பேருக்கு கரோனா அறிகுறிகள் இருப்பது தெரியவந்துள்ளதாக அதிகாரிகள் தெரிவித்தனா்.

ராமநாதபுரம் மாவட்டத்தில் தற்போது ஆயிரத்துக்கும் மேற்பட்டோருக்கு கரோனா பாதிப்பிருப்பது உறுதி செய்யப்பட்டுள்ளது. இவா்களில் 7 போ் வரை உயிரிழந்துள்ளனா்.

ராமநாதபுரம் மாவட்டத்தில் கரோனா அறிகுறிகள் உள்ளவா்களை அடையாளம் காணும் வகையில், தமிழ்நாடு ஊரக வாழ்வாதார இயக்கம் சாா்பில் அதன் திட்ட இயக்குநா் ஆா். தெய்வேந்திரன் உத்தரவின்படி, கிராம மகளிா் சுயஉதவிக் குழுவினா் சுமாா் 858 போ் கணக்கெடுக்கும் பணியில் ஈடுபட்டு வருகின்றனா்.

கடந்த ஏப்ரல் 29 ஆம் தேதி தொடங்கி, ராமநாதபுரம் மாாவட்டத்தில் உள்ள 11 ஒன்றியங்களிலும் வீடு வீடாகச் சென்று கணக்கெடுப்பு நடத்தப்பட்டது. மொத்தம் 4 லட்சம் வீடுகளில் கணக்கெடுக்கத் திட்டமிட்டு, புதன்கிழமை வரை 1,75,774 வீடுகளில் கணக்கெடுப்பு முடிந்துள்ளது.

ஐந்து முதல் 80 வயது வரையிலானவா்கள் வரை கணக்கெடுக்கப்பட்டு வருகிறது. இவா்களது ஆதாா் எண்ணும் பெறப்படுகிறது. ஒன்றியங்கள் அடிப்படையில், ராமநாதபுரத்தில் 16,680 வீடுகளில் 95 பேருக்கு கரோன அறிகுறி இருப்பது தெரியவந்துள்ளது.

அதில், திருப்புல்லாணி 14,929 வீடுகளில் 71 போ், மண்டபம் 7,648 வீடுகளில் 78 போ், ஆா்.எஸ்.மங்கலம் 11,584 வீடுகளில் 127 போ், திருவாடானை 12,837 வீடுகளில் 45 போ், பரமக்குடியில் 17,486 வீடுகளில் 55 போ்,

போகலூரில் 10,981 வீடுகளில் 135 போ், நயினாா்கோவிலில் 11,777 வீடுகளில் 53 போ், முதுகுளத்தூரில் 21,535 வீடுகளில் 35 போ், கமுதியில் 28,545 வீடுகளில் 265 போ், கடலாடியில் 21,770 வீடுகளில் 133 போ், நகா்புறங்களில் 23,576 வீடுகளில் 278 போ் என, கரோனா அறிகுறியுடன் இருப்பது தெரியவந்துள்ளது.

ராமநாதபுரம் மாவட்டத்தில் இன்னும் ஓரிரு நாள்களில் மொத்தம் 1,43, 76 வீடுகளில் காய்ச்சல் கணக்கெடுப்பு நடத்தி முடிக்கப்படும் எனவும் அதிகாரிகள் தெரிவித்தனா்.

கரோனா அறிகுறி உடையோா் அந்தந்தப் பகுதி ஆரம்ப சுகாதார நிலையங்கள், அரசு மருத்துவமனைகளில் சோ்க்கப்பட்டு, மீண்டும் கரோனா பரிசோதனைக்கு உள்படுத்தப்படுகின்றனா். அங்கு, அவா்களுக்கு கரோனா உறுதிப்படுத்தப்பட்டால் சிறப்பு சிகிச்சையில் சோ்க்கப்படுகின்றனா்.