ராமநாதபுரம் அருகே அரசு புறம்போக்கு நிலத்தை தனியாா் ஆக்கிரமிப்பிலிருந்து மீட்கக் கோரி கிராம பொதுமக்கள் ஆட்சியா் அலுவலகத்தை செவ்வாய்க்கிழமை முற்றுகையிட்டனா்.
ராமநாதபுரம் அருகேயுள்ளது அம்மன்கோவில் கிராமம். இப்பகுதியில் சுமாா் 6 ஏக்கா் அரசு புறம்போக்கு நிலம் உள்ளது. இதில் அரசு தொடக்கப் பள்ளி மற்றும் ஆரம்ப சுகாதார நிலையம் ஆகியவை அமைக்கப்பட்டுள்ளன. எஞ்சிய இடத்தில் பள்ளி மாணவா்களுக்கான விளையாட்டு மைதானம் அமைக்க கிராமத்தினா் திட்டமிட்டிருந்ததாகக் கூறப்படுகிறது. அந்த ஊரைச் சோ்ந்த ஒரு குடும்பத்தினா் அந்த நிலத்தை தங்களது பெயருக்கு பட்டா மாற்றி பயன்படுத்திவருவதாக புகாா் எழுந்துள்ளது. நிலத்தை ஆக்கிரமித்தவா் மீது நடவடிக்கை கோரி ஏற்கெனவே மனு அளித்தும் நடவடிக்கை இல்லையாம்.
இந்த நிலையில், அம்மன்கோவில் ஊா்த் தலைவா் எஸ்.கதிரேசன் மற்றும் கிராமத்து மக்கள் ஏராளமானோா் ஆட்சியா் அலுவலகத்துக்கு செவ்வாய்க்கிழமை காலை வந்து முற்றுகைப் போராட்டத்தில் ஈடுபட்டனா்.
இப்போராட்டத்தால் கூடுதல் போலீஸாா் வரவழைக்கப்பட்டு ஆட்சியா் அலுவலகம் முன்பு பாதுகாப்பு பலப்படுத்தப்பட்டது. போராட்டத்தில் ஈடுபட்டவா்கள் பின்னா் ஆட்சியா் சங்கா்லால்குமாவத்தை சந்தித்து மனு அளித்தனா்.
மனு மீது சட்டரீதியான நடவடிக்கை எடுப்பதற்கு ஆட்சியா் பரிந்துரைத்துள்ளதாகவும், அதன்படி கோட்டாட்சியா், வட்டாட்சியா் நடவடிக்கை எடுப்பதாக உறுதியளித்துள்ளதாகவும் கிராமத்தினா் கூறி கலைந்து சென்றனா்.