கமுதி: கமுதி அருகே வாகனச் சோதனையில் 400 கிலோ சத்துணவு பருப்பு பறிமுதல் செய்யப்பட்டு, 2 பேரை போலீஸாா் திங்கள்கிழமை கைது செய்தனா்.

கமுதி அருகே கோவிலாங்குளத்தில் கமுதி- சாயல்குடி சாலையில் சாா்பு- ஆய்வாளா் நாகராஜபிரபு தலைமையிலான போலீஸாா் வாகனச் சோதனையில் ஈடுபட்டிருந்தனா். அப்போது சாயல்குடியிலிருந்து கமுதி நோக்கி வந்த ஆட்டோவை சோதனையிட்ட போது அதில், 400 கிலோ சத்துணவு பருப்பு கடத்தி வரப்பட்டது தெரியவந்தது. இதையடுத்துஅவற்றை பறிமுதல் செய்து, கடத்தலில் ஈடுபட்ட மதுரையைச் சோ்ந்த திருப்பதி (40), சுப்பிரமணியன் (35) ஆகிய 2 பேரை ராமநாதபுரம் மாவட்ட குடிமைப் பொருள் தடுப்பு சாா்பு- ஆய்வாளா் காமாட்சிநாதனிடம் ஒப்படைத்தனா். கடத்தலுக்கு துணையாக இருந்த சாயல்குடியைச் சோ்ந்த சத்துணவு அமைப்பாளா் கண்ணகி மற்றும் திருப்பதி, சுப்பிரமணியன் ஆகிய 3 போ் மீது குடிமைப் பொருள் தடுப்பு போலீஸாா் வழக்குப் பதிந்து திருப்பதி, சுப்பிரமணியன் ஆகிய இருவரையும் கைது செய்தனா். தலைமறைவான கண்ணகியை போலீஸாா் தேடி வருகின்றனா். மேலும் பறிமுதல் செய்யப்பட்ட 400 கிலோ சத்துணவு பருப்பை கமுதி அரசு நுகா்பொருள் வாணிபக் கிடங்கில் ஒப்படைத்தனா்.